విధేయ రాముని ఉగ్ర‌రూపం

విన‌య విధేయ రాముడి ఉగ్ర రూప‌మిది. ఎందుకీ ఉగ్రం? ఫ్యామిలీని సేవ్ చేసేందుకేనా ఈ ఉగ్ర‌రూపం? ఇంత భీక‌రంగా శ‌త్రువుపై పోరాడాలా? మెషీన్ గ‌న్ నుంచి ఒక్కో బుల్లెట్టులో క‌సిని నింపి శ‌త్రువును చీల్చి చెండాడుతున్న‌ట్టే క‌నిపిస్తోంది. అస‌లు విన‌యంగా ఉండేవాళ్ల‌ను రెచ్చ‌గొడితే ఇలానే విధేయ‌త మ‌రిచి చెల‌రేగుతారా? అన్న సందేహాలు క‌లుగుతున్నాయి.

చ‌ర‌ణ్ నెవ్వ‌ర్ బిఫోర్ అన్న చందంగా క‌నిపిస్తున్నాడు. రామ్ కొణిదెల‌లోని మాసిజాన్ని పూర్తి స్థాయిలో బ‌య‌టికి తీసాడు బోయ‌పాటి. చొక్కా విప్పి బాడీని చూపించ‌డ‌మే కాదు - అందుకు త‌గ్గ ధీర‌త్వాన్ని ఈ లుక్‌ లో రివీల్ చేశాడు. అస‌లే ప‌వ‌ర్ పాలిటిక్స్.. ఆపై దుష్ట రాజ‌కీయాలు .. మాఫియాతో అంట‌కాగే దుష్టుల్ని ఎదుర్కోవాలంటే మంచి వాళ్లు కూడా ఇలా మారాల్సి ఉంటుంది. ఇప్పుడున్న ప‌వ‌ర్‌ పాటిలిక్స్ లో కుటుంబాన్ని కాపాడుకోవాలంటే అంత సులువేం కాదు. ఉగ్ర‌దోగ్ర య‌జ్ఞం చేస్తేనే నిల‌బ‌డ‌గ‌ల‌రు. ఆ సంగ‌తిని చెప్ప‌క‌నే చెబుతున్నాడు ఇలా.

సంక్రాంతి కానుక‌గా రిలీజ‌వుతున్న `విన‌య విధేయ రామ` మెగా ఫ్యాన్స్ కే కాదు.. కామ‌న్ మాస్ కి స్పెష‌ల్ ట్రీట్ ఇస్తుంద‌న‌డానికి ఈ పోస్ట‌ర్ ఓ సంకేతం. ఇక ఈ పోస్ట‌ర్ లో చ‌ర‌ణ్ లుక్ చూస్తుంటే అప్ప‌ట్లో ఖైదీ సినిమాలో చిరు క‌నిపిస్తున్నాడు. ఆ సినిమాకి స్ఫూర్తి ఫ‌స్ట్ బ్ల‌డ్. సిల్వ‌స్ట‌ర్ స్టాలోన్ న‌టించిన ఆ చిత్రం ఓ సెన్సేష‌న్. ఇప్పుడు చ‌ర‌ణ్ లుక్ ర్యాంబోనే త‌ల‌పిస్తోంద‌న్న మాట చ‌ర‌ణ్ అభిమానుల్లో వినిపిస్తోంది. మెషీన్ గ‌న్ తో చెల‌రేగుతున్న ఆ తీరు స్టాలోన్ ని త‌ల‌పిస్తోంది. ఇప్ప‌టికే ట్రైల‌ర్ కోటి వ్యూస్ ని అందుకుని ఇంకా జెట్ స్పీడ్ తో దూసుకుపోతోంది. ట్రైల‌ర్ తోనే స‌గం స‌క్సెస్ సాధించాడు. మ‌రి సినిమాతో ఏ రేంజులో స‌త్తా చాటుతాడో చూడాలి.