అర్రే చరణ్ మిస్సయ్యాడే !

మెగాస్టార్ నటించిన 'సైరా' రేపే గ్రాండ్ గా విడుదలవుతుంది. ఇక సినిమాలో చిరంజీవితో పాటు సూపర్ స్టార్ అమితాబ్ బచ్చన్, జగపతి బాబు, మక్కల్ సెల్వన్ విజయ్ సేతుపతి - కిచ్చా సుదీప్ - నయన తార - తమన్నా ఇలా కొంత మంది ముఖ్య పాత్రల్లో నటించిన సంగతి తెలిసిందే. అయితే తండ్రి నటించిన ఈ చారిత్రాత్మక సినిమాలో చరణ్ నటుడిగా కనిపించే ఛాన్స్ మాత్రం మిస్సయ్యాడు. సినిమాలో చరణ్ ఒక్కసారైనా కనిపిస్తాడని మొన్నటి వరకూ ఎదురుచూసిన ఫ్యాన్స్ కి ఈ మధ్యే క్లారిటీ కూడా ఇచ్చాడు మెగా పవర్ స్టార్. తను సినిమాలో కనిపించనని చెప్పేసాడు.

ఇక 'ఖైదీ 150' సినిమాలో ఓ సాంగ్ లో తండ్రితో కలిసి స్టెప్స్ వేసి అభిమానులతో కేకలు వేయించుకున్న చరణ్ 'సైరా'లో ఎందుకో ఆ అవకాశం అందుకోలేకపోయాడు. నిజానికి సినిమాలో చరణ్ తో ఓ క్యారెక్టర్ చేయించాలని సూరి అనుకున్నాడట. ఉయ్యాలవాడ నరసింహ రెడ్డి కథలో ఉండే పాత్రతో ఓ ఎపిసోడ్ షూట్ చేయాలని డిసైడ్ అయ్యారట. కట్ చేస్తే ఆ ఎపిసోడ్ వల్ల సినిమా నిడివి ఎక్కువవుతుందని ఆలోచించి మళ్లీ వద్దనుకున్నారట. ఈ విషయాన్ని దర్శకుడు సురేందర్ రెడ్డి స్వయంగా చెప్పాడు.అలా మెగాస్టార్ ఎపిక్ సినిమాలో కనిపించే ఛాన్స్ మిస్సయ్యాడు మెగా పవర్ స్టార్.

ఇక సినిమాలో అనుష్క మినహా గెస్ట్ రోల్స్ కూడా ఉండవని క్లారిటీ ఇచ్చేసాడు సురేందర్ రెడ్డి. అనుష్క ఫస్ట్ హాఫ్ లో ఝాన్సీ లక్ష్మీ భాయ్ గా కనిపిస్తుందని అంటున్నారు. ఆమెతోనే సైరా కథ మొదలవుతుందనే టాక్ ఉంది.