చెర్రీ అంత డేరింగ్ గా ప్ర‌యోగం చేస్తాడా?

రాజ‌మౌళి ఆర్.ఆర్.ఆర్ రిలీజైతే కానీ ఆ ఇద్ద‌రి సంకెళ్లు తొల‌గిపోవు. యంగ్ య‌మ‌ ఎన్టీఆర్‌- మెగా ప‌వ‌ర్ స్టార్ రామ్‌చ‌ర‌ణ్ ల‌ను జ‌క్క‌న్న ఆ రేంజులో లాక్ చేసిన సంగ‌తి తెలిసిందే. ప్ర‌స్తుతానికి మాంత్రికుడి గుహ‌లో దాక్కున్న చిల‌క‌ల్లా ఆ ఇద్ద‌రూ ఎటూ క‌ద‌ల్లేని ప‌రిస్థితి.

ఇంత‌కీ ఆర్.ఆర్.ఆర్ త‌ర్వాత చ‌ర‌ణ్ ఏ సినిమా చేస్తాడు? తార‌క్ ఏ సినిమా చేయ‌బోతున్నాడు? అంటూ అభిమానుల్లో ఒక‌టే ఆస‌క్తి. కానీ దానికి స‌రైన ఆన్స‌ర్ మాత్రం అధికారికంగా రావ‌డం లేదు. యంగ్ టైగ‌ర్ ఇప్ప‌టికే త్రివిక్ర‌మ్ కి క‌మిటైపోయాడ‌న్న ప్ర‌చారం సాగిపోతోంది. అలాగే చ‌ర‌ణ్ కూడా చిరు న‌టిస్తున్న 152వ చిత్రంలో న‌టించ‌నున్నాడ‌ని క‌థ‌నాలు వేడెక్కించాయి.

ఈలోగానే చెర్రీ గురించి మ‌రో అప్ డేట్ లీకైంది. ఈసారి చ‌ర‌ణ్ ప్ర‌యోగాల ద‌ర్శ‌కుడు విక్ర‌మ్.కె.కుమార్ కి ఓకే చెప్పాడ‌న్న‌దే ఆ వార్త సారాంశం. చ‌ర‌ణ్ ఇప్ప‌టికే విక్ర‌మ్ వినిపించిన లైన్ కి ఓకే చెప్పార‌ట‌. అయితే ఇది క‌న్ఫామ్ అని ఇప్పుడే చెప్ప‌లేని ప‌రిస్థితి. విక్ర‌మ్.కె ఇంత‌కుముందు మెగా హీరో బ‌న్నీతో సినిమా కోసం చాలా ట్రై చేసి వ‌దిలేశాడు. ఆ క్ర‌మంలోనే నానీతో గ్యాంగ్ లీడ‌ర్ సినిమాని సెట్స్ పైకి తీసుకెళ్లాల్సొచ్చింది. అప్ప‌ట్లోనే చ‌ర‌ణ్ కి ఓ లైన్ వినిపించాడ‌న్న ప్ర‌చారం కూడా సాగింది. మ‌ళ్లీ ఇన్నాళ్ల గ్యాప్ త‌ర్వాత మ‌రోసారి చ‌ర‌ణ్ - విక్ర‌మ్.కె కాంబినేష‌న్ అంటూ గుస‌గుస వేడెక్కిస్తోంది.

13 బి- మ‌నం -24- గ్యాంగ్ లీడ‌ర్.. ఇలా విక్ర‌మ్ కెరీర్ లో ప్ర‌తిదీ ప్ర‌యోగ‌మే. ఈసారి అత‌డు ఎలాంటి స్క్రిప్టుతో చెర్రీని క‌లిసాడు? అన్న‌ది ఇప్ప‌టికైతే స‌స్పెన్స్. క‌చ్ఛితంగా రొటీన్ సినిమా చేసే అవ‌కాశం అయితే లేదు. ఇక నానీతో గ్యాంగ్ లీడ‌ర్ నిరాశ‌ప‌రిచిన నేప‌థ్యంలో అంత ట్యాలెంటెడ్ డైరెక్ట‌ర్ అయినా అత‌డిని ప‌రిశ్ర‌మ దూరం పెట్టేసింది. మ‌రి చ‌ర‌ణ్ ఆర్.ఆర్.ఆర్ లాంటి పాన్ ఇండియా మూవీ త‌ర్వాతా విక్ర‌మ్ లాంటి ప్ర‌యోగాల ద‌ర్శ‌కుడికి నిజంగానే అవ‌కాశం ఇస్తున్నాడా? అన్న‌ది చూడాలి.