చ‌రణ్ కి క‌థే తెలియ‌ద‌ట‌!!

అధికారికంగా ప్ర‌క‌టించ‌క ముందు నుంచే తెలుగు రాష్ట్రాల్లో హాట్ టాపిక్ అయిన చిత్రం రాజ‌మౌళి - ఎన్‌ టీఆర్‌ - రామ్‌ చ‌ర‌ణ్ మ‌ల్టీస్టార‌ర్‌. ఈ ముగ్గురూ క‌లిసున్న ఓ ఫోటో బ‌య‌టికి రావ‌డంతో వీరి కాంబినేష‌న్‌ లో సినిమా రాబోతుంద‌నే ప్ర‌చారం ఊపందుకుంది. ఈ సినిమా నిజ‌మేనంటూ అధికారిక ప్ర‌క‌ట‌న రావ‌డంతో జ‌క్క‌న్న నుంచి బ‌హుబ‌లి వంటి సినిమా త‌ర్వాత రాబోయే సినిమా ఎలా ఉండ‌బోతుందా? అని ఆస‌క్తిక‌ర చ‌ర్చ జ‌రుగుతోంది.

ఇదిలా ఉండ‌గా ఈ సినిమా గురించి కొన్ని షాకింగ్ విష‌యాలు బ‌య‌ట‌పెట్టాడు మెగాప‌వ‌ర్‌ స్టార్ రామ్‌ చ‌ర‌ణ్‌. అస‌లు సినిమా క‌థ ఏమిట‌నేది కూడా విన‌కుండానే రాజమౌళి సినిమాకు సంత‌కం చేసిన‌ట్టు బ‌య‌ట‌పెట్టాడు చెర్రీ. ఇంత‌కీ ఈ రంగ‌స్థ‌లం చ‌రణ్ ఏమ‌న్నాడంటే... ‘‘నేను ఇంత‌వ‌ర‌కీ రాజ‌మౌళి గారితో చేయ‌బోయే సినిమా క‌థ విన‌లేదు. అయినా జ‌క్క‌న్న మీద ఉన్న‌న‌మ్మ‌కంతో సినిమా చేయ‌డానికి అంగీక‌రించా. రాజ‌మౌళి గారి సినిమాల్లో క‌థ గానీ - పాత్ర‌ల స్వ‌భావం గానీ బ‌లంగా ఉంటాయి. అదీ కాకుండా ఎన్‌ టీఆర్‌ తో సినిమా అన‌గానే నాకెంతో నచ్చేసింది. అందుకే క‌థ కూడా విన‌కుండానే ఒప్పేసుకున్నా... ’’ అంటూ చెప్పుకొచ్చాడు. అయితే రాజ‌మౌళి క‌థ‌ను ఫైన‌ల్ చేసేశాడ‌నీ - పూర్తి స్కిప్టును రూపొందించే ప‌నిలో ఉన్నార‌ని స‌మాచారం.

రామ్‌ చ‌రణ్ మారిపోయాడ‌నీ - పూర్తి స్కిప్టు కోసం ద‌ర్శ‌కుల‌ను డిమాండ్ చేస్తున్నాడ‌ని తెలిసింది. ఇందుకోస‌మే బోయ‌పాటి సినిమా షూటింగ్ మ‌నోడు ఇంకా పాల్గొన‌లేద‌నే వార్త‌లూ వినిపించాయి. అయితే త‌న కెరీర్‌ లోనే బిగ్గెస్ట్ హిట్ ‘మ‌గ‌ధీర’ను ఇచ్చిన ద‌ర్శ‌కుడు కావ‌డంతో రాజ‌మౌళి సినిమా విష‌యంలో మాత్రం చ‌ర‌ణ్ మ‌ళ్లీ సౌండ్ ఇంజ‌నీర్ గా మారిపోయాడ‌న‌మాట‌.