ఖర్చుకు వెనుకాడని చరణ్.. మరో సెట్!

మెగాస్టార్ చిరంజీవి ప్రస్తుతం 'సైరా' షూటింగ్ తో బిజీగా ఉన్న సంగతి తెలిసిందే. క్వాలిటీ విషయంలో ఏమాత్రం రాజీపడకుండా ఈ చిత్రాన్ని రామ్ చరణ్ నిర్మిస్తున్నాడు. తాజాగా ఈ సినిమా కోసం ఒక కొత్త సెట్ నిర్మించారనే విషయం హాట్ టాపిక్ అయింది. రామ్ చరణ్ కు కోకాపేట్ వద్ద ఉన్న స్థలంలో బీదర్ కోట సెట్ ను నిర్మించారట.

నిజానికి ఈ బీదర్ కోటకు సంబంధించిన సన్నివేశాలను ఒరిజినల్ లొకేషన్ లోనే చిత్రీకరించవలసి ఉంది. కానీ కొన్నినెలల క్రితం అక్కడ 'సైరా' చిత్రీకరణ జరుపుతున్న సమయంలో ఫిలిం యూనిట్ దేవతల విగ్రహాలను పెట్టారట. అది నచ్చని కొందరు లోకల్ వ్యక్తులు అభ్యంతరం వ్యక్తం చేయడంతో షూటింగ్ ఆపేయాల్సి వచ్చింది. దీంతో రామ్ చరణ్ మరోసారి అలాంటి ఇబ్బంది ఎదురుకాకూడదనే ఉద్దేశంతో బీదర్ కోట సెట్ వేయాలనే నిర్ణయం తీసుకున్నాడట. అందుకు బడ్జెట్ అదనంగా ఖర్చయినా ఫరవాలేదని.. మనకు లేనిపోని వివాదాలు వద్దని డిసైడ్ అయ్యాడట.

ప్రస్తుతం ఈ బీదర్ ఫోర్ట్ సెట్ లోనే షూటింగ్ జరుగుతోందని సమాచారం. ఈ సినిమాలో కన్నడ స్టార్ హీరో సుదీప్ ఒక కీలక పాత్ర పోషిస్తున్నాడనే విషయం తెలిసిందే. రీసెంట్ గా ఈ సెట్ లోనే ఇతర నటులతో కలిసి సుదీప్ షూటింగ్ లో పాల్గొన్నాడట. వీలైనంత త్వరగా షూటింగ్ ను పూర్తి చేసే ఉద్దేశంతో శరవేగంగా షూటింగ్ జరుపుతున్నారట. షూటింగ్ తో పాటుగా విజువల్ ఎఫెక్ట్స్ పనులు కూడా సమాంతరంగా సాగుతున్నాయని సమాచారం.