బోయ‌పాటితో మ‌స్ట్‌ గా చేయాలి

`విన‌య విధేయ రామ‌` ప్రీరిలీజ్ గ్లింప్స్ చెప్పుకునేవాళ్ల‌కు చెప్పుకున్నంత‌. మెగాప‌వ‌ర్ స్టార్ రామ్ చ‌ర‌ణ్ స్టామినాని ఎలివేట్ చేసిన అరుదైన‌ వేడుక ఇది. సినీ - రాజ‌కీయ వ‌ర్గాల‌తో త‌న‌కు ఉన్న స‌త్సంబంధాల్ని ఈ ఆడియో వేడుక రివీల్ చేసింది. అలాగే ట్రైల‌ర్ ఆద్యంతం చ‌ర‌ణ్ మాస్ ప‌వ‌ర్ ని ఎలివేట్ చేయ‌డంపైనా ఆస‌క్తిక‌ర చ‌ర్చ సాగుతోంది. వీవీఆర్ వేదిక‌పై చ‌ర‌ణ్ స్పీచ్ లోని ప‌వ‌ర్ ప్యాక్డ్ స్టామినా గురించి మెగా ఫ్యాన్స్‌ లో ముచ్చ‌ట సాగుతోంది. అత‌డు త‌న ద‌ర్శ‌కుడిని ఎంత‌గా అభిమానిస్తారో చెప్పేందుకు మ‌చ్చుకు కొన్ని ఆణిముత్యాల్లాంటి మాట‌ల్ని గుర్తు చేసుకోవాలి.

అస‌లు `విన‌య విధేయ రామ‌` ఎలా మొద‌లైందో చ‌ర‌ణ్ ఈ వేదిక‌పై చెప్పారు. ఈ సినిమా గురించి నాలుగేళ్ల క్రిత‌మే ప‌ని మొద‌లైంద‌ని తెలిపారు. ``ఈ కథను బోయపాటి నాలుగేళ్ల క్రితమే చెప్పారు. నాలుగేళ్లు తను ఆలోచించి ఈ స్క్రిప్ట్‌ను ఇప్ప‌టికి తెరపైకి తీసుకొచ్చారు. నేను ఇప్పటి వరకు చేసిన సినిమాల్లో ఎంతో క్ర‌మ‌శిక్ష‌ణ‌తో సెట్ అయిన‌ది బోయపాటితోనే`` అనీ వెల్ల‌డించారు.

ఏ హీరో అయినా తన కెరీర్‌ లో బోయపాటిగారితో పని చేయాలనుకుంటాడు. త‌ప్ప‌కుండా త‌న‌తో వ‌ర్క్ చేయాలి. ప్ర‌తిదీ అంత ప‌క‌డ్భందీ ప్ర‌ణాళిక‌తో చేస్తారు బోయ‌పాటి. నాలో ఎన‌ర్జీని బ‌య‌టికి తెచ్చిన చిత్ర‌మిది. ఇందులో నాకు మంచి జ్ఞాప‌కాలు ఉన్నాయి.. అని అన్నారు. అంతేకాదు.. బోయ‌పాటి ని కలిశావా అంటూ అమ్మ‌, నా భార్య న‌న్ను ప్ర‌శ్నించేవారంటే అత‌డంటే అంత జోష్ ఉంటుంద‌ని అర్థం.. అని చ‌ర‌ణ్ ప‌ర్స‌న‌ల్ ఫ్యామిలీ రిలేష‌న్ యాంగిల్‌ని చెప్పారు. బోయ‌పాటిని అభిమానించి ఈ సినిమాని చేస్తున్నామ‌ని చెప్ప‌క‌నే చెప్పారు. `విన‌య విధేయ రామా` జ‌న‌వ‌రి 11న రిలీజ‌వుతోంది.