ఆ హీరోయిన్ ని ట‌చ్ లో ఉండ‌మ‌న్న చ‌ర‌ణ్‌!

ఇటీవ‌ల రామ్ చ‌ర‌ణ్ ఓ అప్ క‌మింగ్ హీరోయిన్ కి కాల్ చేసి త‌న న‌ట‌న‌ను ప్ర‌శంసించ‌డ‌మే కాకుండా.. ట‌చ్ లో ఉండ‌మ‌ని చెప్పాడ‌ట‌. దీంతో ఆ హీరోయిన్ ఆనందానికి అవ‌ధ‌లు లేకుండా పోయింద‌ట‌. అస‌లు ఆ హీరోయిన్ కి చ‌ర‌ణ్ కాల్ ఎందుకు చేశాడు? ఇంత‌కీ ఆ హీరోయిన్ ఎవ‌రు? తెలుసుకుందాం.

ర‌న్ రాజా ర‌న్ చిత్రం త‌ర్వాత శ‌ర్వానంద్ హీరోగా న‌టిస్తున్న చిత్రం ఎక్స్ ప్రెస్ రాజా. ఈ సినిమాలో శ‌ర్వానంద్ స‌ర‌స‌న సుర‌భి హీరోయిన్ గా న‌టించింది. ఈమె గ‌తంలో బీరువా అనే చిత్రంలో న‌టించింది. ఇదిలా ఉంటే..రామ్ చ‌ర‌ణ్ - శ‌ర్వానంద్ మంచి మిత్రుల‌న్న విషయం తెలిసిందే. ఈ సినిమా ఈ నెల 14న సంక్రాంతి కానుక‌గా విడుద‌ల కానున్న నేప‌థ్యంలో ఇటీవ‌ల చ‌ర‌ణ్ కి శర్వా ఎక్సె ప్రెస్ రాజా సినిమాలోని కొన్ని సన్నివేశాలు చూపించాడ‌ట‌.

చూసిందే కొన్ని సీన్స్ అయినా చాలా ఎగ్జైట్ అయిన చ‌ర‌ణ్‌ సినిమా మొత్తం ఎప్పుడెప్పుడు చూడాలా? అన్నంత క్యూరియాసిటీతో సినిమా ఉంద‌ని మెచ్చుకున్నాడట. అలాగే హీరోయిన్ సుర‌భి ప‌ర్ ఫార్మెన్స్ కి ఫిదా అయిపోయాడ‌ట‌. వెంట‌నే ఫోన్ చేసి మ‌రీ అభినందించాడ‌ట‌. న‌టిగా మంచి భ‌విష్య‌త్ ఉందని చెబుతూ...ట‌చ్ లో ఉండ‌మాన్నాడ‌ట‌. రామ్ చ‌ర‌ణ్ కాల్ చేయ‌డం, ప్ర‌శంస‌ల వ‌ర్షం కురిపించ‌డ‌మే కాకుండా ట‌చ్ లో ఉండ‌మ‌ని చెప్ప‌డంతో ఈ ముద్దుగుమ్మ ఉబ్బి త‌బ్బుబ్బి పోతోంద‌ట‌. దీన్ని బ‌ట్టి చూస్తే మెగా కాంపౌండ్ లోకి సుర‌భి త్వ‌ర‌లో అడుగు పెట్ట‌బోవ‌డం ఖాయం అంటున్నారు సినీ ప‌రిశీల‌కులు.