వావ్.. సీనియర్ ఎన్టీఆర్ తో చరణ్

టాలీవుడ్ స్టార్ హీరోలు ఎప్పటికి సన్నిహితంగానే ఉంటారు. ఒక దారిలో వెళుతున్న పక్షులు కాబట్టి పలకరించుకోకుండా ఎలా ఉంటాయి. మంచి స్నేహంతో ఉండడం సినీ తారలకు అలవాటే. అప్పట్లో సోషల్ మీడియా లేదు కాబట్టి జనాలకు ఎక్కువగా తెలిసేదే కాదు. కానీ ఇప్పుడు స్టార్ హీరోల సాన్నిహిత్యం గురించి చాలా క్లియర్ గా అర్ధమవుతోంది. టాలీవుడ్ లో కొన్ని స్పెషల్ గ్యాంగ్ లు ఉన్నాయని అందరికి తెలిసిందే.

ఇక అందరికంటే ఎక్కువగా గత ఏడాది నుంచి మెగా పవర్ స్టార్ రామ్ చరణ్ - యంగ్ టైగర్ ఎన్టీఆర్ ఎక్కువగా కనిపిస్తున్నారు. స్పెషల్ గా ఒక ఫ్రెమ్ లో కనిపిస్తూ గత కొన్ని రోజులుగా అభిమానులకు మంచి ఫీలింగ్ ను ఇస్తున్నారు. ఇక రీసెంట్ గా ఎన్టీఆర్ చరణ్ ఫోటో పోస్ట్ చేసి అభిమానుల మనసులకు మరింత దగ్గరయ్యాడు. చరణ్ కనిపించిన ఫొటోలో సీనియర్ ఎన్టీఆర్ స్పెషల్ ఫోటో కనిపించడం అందరిని ఆకట్టుకుంది.

సీనియర్ ఎన్టీఆర్ స్టిల్ తరహాలోనే చరణ్ కూడా ఆలోచిస్తూ అలా పోజివ్వగానే తారక్ మొబైల్ లో క్లిక్ మనిపించాడు. వెంటనే ఫొటోను ట్విట్టర్ లో పోస్ట్ చేసి లెజెండరీ థాట్స్ లోకి వెళుతున్న చరణ్ అన్నట్టుగా కామెంట్ కూడా పెట్టడం అందరిని ఆకర్షించింది. ఇక ఈ ఇద్దరు కలిసి రాజమౌళి తెరకెక్కించనున్న #RRR ప్రాజెక్ట్ లో నటించనున్న సంగతి తెలిసిందే. ఆ సినిమా రెగ్యులర్ షూటింగ్ అక్టోబర్ లో మొదలవ్వనుంది.