రంగస్థలంలో ఆడిపాడనుంది ఆమెనా!

సుకుమార్ సినిమాలు పజిల్స్ ని పోలి ఉంటాయి. కథ మొత్తాన్ని ట్విస్టులు, థ్రిల్స్ తో నింపేయడం ఈ లెక్కల మాస్టారు స్టైల్. దీంతో సినిమా ఆడితే పర్వాలేదు కానీ మిస్ ఫైర్ అయితే మాత్రం నిర్మాతలకి - సినిమాను కొనుకున్న వారికి నష్టాలు భారీగా వస్తున్నాయి. అయినప్పటికీ హీరోలంతా సుక్కు భాయ్ ని ఎంక్రైజ్ చేస్తుండటంతో వరుస సినిమాలు ఈ దర్శకుడికి లభిస్తున్నాయి. ప్రస్తుతం సుకుమార్ - రామ్ చరణ్ కాంబినేషన్ లో తెరకెక్కుతున్న సినిమా రంగస్థలం. ఉభయగోదావరి జిల్లాలో షూట్ జరుపుకున్న ఈ సినిమా యూనిట్ ప్రస్తుతం హైదరాబాద్ లో సందడి చేస్తోంది.

హైదరాబాద్ బూత్ బంగ్లా ప్రాంతంలో దాదాపు 10 కోట్లు పెట్టి ఓ విలేజ్ సెట్ ని ఈ సినిమా కోసం ఏర్పాటు చేశారు. కానీ ప్రస్తుతం రామ్ చరణ్ - సైరా నరసింహా రెడ్డి విషయాలతో బిజీగా ఉన్నాడు, దీంతో రంగస్థలం షూట్ కి అంతరాయం ఏర్పడింది. కోట్లు ఖర్చుపెట్టి వేసిన ఈ విలేజ్ సెట్ కంటిన్యూగా షూట్ జరగక వెలవెలాడిపోతుంది. ఇది ఇలా ఉంటే త్వరలోనే చెర్రీ మళ్లీ రంగస్థలం సెట్స్ లో సందడి చేస్తాడని చిత్ర వర్గాలు చెబుతున్నాయి. ఈ సినిమా కోసం బాలీవుడ్ భామలు - కరీనా కపూర్ లేక ప్రియాంక చోప్రా ఐటమ్ భామలుగా చిందేసే అవకాశం ఉందని సినీజనాలు అంటున్నారు. అయితే వీరిద్దరిలో కరీనా కపూర్ ఐటమ్ భామగా ఈ చిత్రంలో చిందేసేందుకు ఎక్కువ ఉత్సాహం చూపుతుందని, త్వరలోనే ఈ విషయం పై అధికారిక ప్రకటణ కూడా వస్తుందని ఫిల్మ్ నగర్ టాక్. మరి కరీనా కపూర్ తో చెర్రీ చేసే హంగామా చూడాలంటే రంగస్థలం రిలీజ్ కి వరుకు ఆగాల్సిందే!