టాప్ ట్రెండింగ్‌ లో... సౌండ్‌ లెస్ చిట్టిబాబు

మెగా అభిమానులు ఎప్పుడెప్పుడా అని ఎదురుచూస్తున్న రంగ‌స్థ‌లం టీజ‌ర్ వ‌చ్చేసింది. ఆ టీజ‌ర్ అభిమానుల్లో ఇప్ప‌టికే ఉన్న అంచ‌నాల‌ను మ‌రింత పెంచేసింది. క్రేజీ స్టార్ రామ్ చ‌ర‌ణ్‌ ను అందులో చెవిటి వాడిగా చూపించాడు సుకుమార్. ముందుగా ప్రకటించినట్టుగానే జనవరి 24న సాయంత్రం 4.15 గంటలకు రంగస్థలం టీజర్‌ ను మైత్రీమూవీ మేకర్స్ వారు ట్విట్టర్ ద్వారా ఈ టీజర్‌ ను విడుదల చేశారు. ఇలా విడుద‌లైన నిమిషాల్లోనే ట్రెండింగ్ లో టాప్ కి చేరుకుంది.

 కేవ‌లం ఇండియాలోనే టాప్ ట్రెండింగ్‌ లో ఉన్న‌ అంశాల్లో రంగ‌స్థ‌లం టీజ‌ర్ దే ఇప్పుడు మొద‌టి స్థానం. ట్విట్ట‌ర్లో టీజ‌ర్ అదిరిపోయే సంద‌డి చేస్తోంది. మెగా అభిమానులకే కాదు, అంద‌రికీ టీజ‌ర్ తెగ న‌చ్చేసిన‌ట్టు క‌నిపిస్తోంది. అందుకే కొన్ని నిమిషాల్లోనే రికార్డుస్థాయిలో ట్రెండ్ అయ్యింది. ఈ రోజే మ‌న‌దేశంలో జాతీయ బాలిక‌ల దినోత్స‌వం. దీనిపై ప్ర‌భుత్వాలు, అధికారులు చేసే ప్ర‌క‌ట‌న‌ల‌తో ఇదే ఇప్ప‌టి వ‌ర‌కు ట్రెండ‌వుతూ వ‌చ్చింది. ఎప్పుడైతే రంగ‌స్థ‌లం 1985 టీజ‌ర్ విడుద‌లైందో... బాలిక‌ల దినోత్స‌వం రెండో స్థానంతో స‌రిపెట్టుకోవాల్సి వ‌చ్చింది. టీజ‌ర్‌తోనే ఇంత సెన్సేష‌న‌ల్ క్రియేట్ చేసిన రంగ‌స్థ‌లం విడుద‌ల‌య్యాక ప‌రిస్థితి ఎలా ఉంటుందో.

ఇకపోతే సదరు ట్రెండింగ్ రేంజ్ ఎలా ఉందంటే.. టీజర్కు 50 నిమిషాలలో 1 మిలియన్ డిజిటాల్ వ్యూస్ వచ్చేశాయి. అలాగే చాలామంది ఈ ట్రైలర్ ను బాగుందని మెచ్చుకోవడంతో.. మెగా ఫ్యాన్స్ కూడా ఏకంగా చరణ్‌ ఇంటిముందు టపాకాయలు కాల్చి సంబరాలు చేసుకుంటున్నారు. ఆ విషయం స్వయంగా ఉపాసన తెలిపింది.