రంగస్థలం టీమ్ మ్యానేజ్ చేస్తున్నారు

డిజిటల్ యుగంలో ఇప్పుడు ఒక విషయం బయటకు రాకుండా దాచడం అంటే అది చాలా గొప్ప విషయమేనే చెప్పాలి. ఫోన్లు ఉండటం ఒక వంతు వాటికి కెమెరాలు ఉండటం ఒక వంతు. ఎక్కడో ఒక ఎవరికి తెలియని ఒక మూల స్టార్లు షూటింగ్ జరుపుకుంటే అది నెట్ లో వెళ్ళి ప్రతి వారి ఫోన్లలో న్యూస్ అప్డేట్ అవుతుంది. అటువంటిది రామ్ చరణ్ ‘రంగస్థలం 1985’ గురించి మాత్రం అణువంత కూడా లీక్ అవ్వకుండా చూస్తున్నారంటే.. గ్రేటే.

రామ్ చరణ్ సినిమా షూటింగ్ మొదలుపెట్టి కొన్ని నెలలు అయింది. ఈ సినిమా దాదాపుగా ఔట్ డోర్ షూటింగే జరుగుతుంది. ఎక్కడ జరుగుతుందో కూడా చాలవరకు తెలుసు కానీ ఒక్క షూటింగ్ వీడియో కానీ అక్కడ జరిగిన వర్కింగ్ ఫోటోలు కానీ బయటకు లీక్ కాలేదు. కేవలం గెడ్డంతో ఉన్న చరణ్‌ ఫ్యాన్సును కలిసిన ఫోటోలే కాని.. ఇతరత్రా ఏమీ బయటకు రాలేదు. రంగస్థలం 1985 అనే సినిమా పోస్టర్ తప్పితే ఆ సినిమా కథ ఎలా ఉంటుంది అనే విషయం లీకవ్వకుండా చాలా జాగ్రత పడ్డారు సుకుమార్ - రామ్ చరణ్ టీమ్. సినిమా రావడానికి ఇంకా ఆరు నెలలు గడువు ఉంది కాబట్టి సినిమాకు సంబంధించిన సమాచారాన్ని గుట్టుగా ఉంచాలని గట్టి భద్రత ఏర్పాట్లు చేశారట. అది ఒక పల్లెటూరు లో జరిగే ప్రేమ కథ అనేది కూడా ఒక ఊహాగానమే ఎందుకంటే పోస్టర్ లో రామ్ చరణ్ ఒక పల్లెటూరు కుర్రాడు లా కనిపించడం మూలాన ఒక ఊహ కథ బయటకు వచ్చింది అంతే.

కేవలం చరణ్‌ గెడ్డం ఫోటోలు.. సమంత లీక్ చేసిన బ్యాక్ వ్యూ ఫోటోలు తప్పిస్తే.. అటు అనసూయ కాని ఇటు ప్రకాష్‌ రాజ్ కాని.. వేరే ఇతర నటులు కాని.. ఈ సినిమాలో ఎలా ఉంటారో ఏం చేయబోతున్నారో అణువంత కూడా చెప్పడం లేదు సుమీ. ఏదేమైనా రంగస్థలం టీమ్ భలే మ్యానేజ్ చేస్తున్నారంతే!!


Like Us on Facebook : https://www.facebook.com/Tupakidotcom/