డాడీతో పాటెందుకు అని అబ్జెక్ట్ చేశా!

మెగాస్టార్ చిరంజీవి 150వ సినిమా డీటెయిల్స్ ఈనెల 16న రివీల్ కానున్నాయి. అంత‌కంటే ముందే మెగాస్టార్ న‌టించిన బ్రూస్‌లీ సినిమా గురించిన ఆస‌క్తిక‌ర డిష్క‌స‌న్ టాలీవుడ్‌లో జ‌రుగుతోంది.ఈ సినిమాలో వాస్త‌వానికి మెగాస్టార్ ఓ ఫైట్ సీక్వెన్సులో క‌నిపించారు. ఓ పాట‌లోనూ ఆయ‌న న‌ర్తిస్తార‌ని అప్ప‌ట్లో టాక్ వినిపించింది. వాస్త‌వంగా అస‌లు ఇందులో మెగా ఎంట్రీ ఉండ‌క‌పోయి ఉండేదే. వేరొక స్టార్ హీరోని సంప్ర‌దిస్తే అత‌డు ఆస‌క్తి చూపించ‌క‌పోవ‌డం వ‌ల్లే డాడీని రంగంలోకి దించాల్సి వ‌చ్చింద‌ని చెర్రీ చెప్పాడు. అయితే ఓ సాంగ్‌ లో చిరు డ్యాన్స్ చేస్తార‌ని ప్ర‌చారం జ‌రిగింది. కానీ ఎందుక‌నో ఆ సాంగ్ లేనేలేద‌ని త‌ర్వాత తెలిసింది. అందుకు కార‌ణ‌మేంటో చెర్రీ ఇప్పుడు చెప్పాడు.

వాస్త‌వానికి ఈ సినిమాలో మెగాస్టార్ డ్యాన్స్ చేసే సాంగ్ ఒక‌టి ఉండాల‌ని శ్రీ‌నువైట్ల ప‌ట్టుబ‌ట్టాడు. కానీ నేనే అబ్జెక్ట్ చేశా. డాడీ స్టెప్పులేస్తే అది కేవ‌లం 150వ సినిమాలోనే. ఇందులో కాదు.. అని వాదించాన‌న‌ని చెర్రీ న‌వ్వేస్తూ చెప్పాడు. నావ‌ల్లే డాడీ బ్రూస్‌ లీ సినిమాలో ఆ సాంగ్ మిస్స‌య్యార‌ని చెప్పుకొచ్చాడు. అస‌లు చిరునే ఆ క్యారెక్ట‌ర్ చేస్తే బావుంటుంద‌ని శ్రీ‌నువైట్ల భావించార‌ని చ‌ర‌ణ్ రివీల్ చేశాడు. అదీ మ్యాట‌ర్‌.