జెర్సీ దర్శకుడి స్టోరీని చెర్రీ రిజెక్ట్ చేశాడా..?

'ఆర్.ఆర్.ఆర్' సినిమా ప్రేక్షకుల ముందుకు రాకముందే మెగా పవర్‌ స్టార్ రామ్ చరణ్ తన తదుపరి ప్రాజెక్ట్స్ ని లైన్ లో పెట్టుకున్నాడు. అగ్ర దర్శకుడు శంకర్ తో ఓ మూవీ కమిట్ అయిన చెర్రీ.. టాలెంటెడ్ డైరెక్టర్ గౌతమ్ తిన్ననూరి తో కలిసి వర్క్ చేయాలని నిర్ణయించుకున్నాడు.

దిల్ రాజు నిర్మాణంలో శంకర్ - చరణ్ కాంబినేషన్ లో RC15 సినిమాని సెట్స్ మీదకు తీసుకొచ్చారు. ఇప్పటికే కొన్ని కీలకమైన షెడ్యూల్ షూటింగ్ పూర్తి చేశారు. అయితే ఇటీవల శంకర్ 'ఇండియన్ 2' చిత్రాన్ని తిరిగి ప్రారంభించాల్సి రావడంతో.. రామ్ చరణ్ కాస్త ఆలస్యమయ్యే పరిస్థితి ఏర్పడింది.

ఇక 'మళ్ళీరావా' 'జెర్సీ' వంటి ఫీల్ గుడ్ చిత్రాలతో తనకంటూ ప్రత్యేకమైన గుర్తింపు తెచ్చుకున్న దర్శకుడు గౌతమ్ తిన్ననూరితో చరణ్ RC16 ప్రాజెక్ట్ కు కమిట్ అయ్యారు. దీనికి సంబంధించి అఫీషియల్ అనౌన్స్ మెంట్ ఇచ్చారు. యూవీ క్రియేషన్స్ బ్యానర్ లో భారీ బడ్జెట్ తో ఈ చిత్రాన్ని ప్లాన్ చేశారు.

రామ్ చరణ్ 16వ సినిమాకు ప్రీ ప్రొడక్షన్ వర్క్స్ శరవేగంగా జరుగుతున్నాయి.. త్వరలోనే ఈ క్రేజీ ప్రాజెక్ట్ సెట్స్ మీదకు వెళ్తుందని మెగా అభిమానులు భావిస్తుండగా.. ఓ షాకింగ్ రూమర్ ఇప్పుడు సోషల్ మీడియాలో చక్కర్లు కొడుతోంది.

అదేంటంటే వివిధ కారణాల వల్ల ఈ సినిమా ఆగిపోయిందని.. దీనికి బడ్జెట్‌ నుండి ఫైనల్ స్క్రిప్ట్ వరకు అనేక కారణాలున్నాయని నెట్టింట ప్రచారం జరుగుతోంది. గౌతమ్ స్క్రిప్ట్ తో రామ్ చరణ్ కన్విన్స్ అవ్వలేదని.. అందుకే ప్రస్తుతానికి ఈ ప్రాజెక్ట్ ని హోల్డ్‌ లో పెట్టారని అంటున్నారు.

RRR సినిమాతో పాన్ ఇండియా ఇమేజ్ తెచ్చుకున్న చరణ్.. దీన్ని కాపాడుకునే విధంగా స్క్రిప్ట్ ఎంపికలో జాగ్రత్తలు తీసుకుంటున్నట్లు తెలుస్తోంది. ఇటీవల గౌతమ్ ఫుల్ స్టోరీ నేరేషన్ ఇవ్వగా.. అది మెగా హీరో మెప్పు పొందలేకపోయిందని రూమర్స్ వినిపిస్తున్నాయి.

ఈ నేపథ్యంలో ప్రస్తుతానికి RC16 చిత్రాన్ని హోల్డ్ లో పెట్టేసారని.. దీంతో ఇప్పుడు రామ్ చరణ్ కోసం సరైన స్క్రిప్ట్ ని వెతుకుతున్నారని అంటున్నారు. మరోవైపు ఈ సినిమాని పూర్తిగా పక్కన పెట్టేసారనే వార్తల్లో నిజం లేదని.. కచ్చితంగా ఈ ప్రాజెక్ట్ ఉంటుందని మరో న్యూస్ ప్రచారంలోకి వచ్చింది.

రామ్ చరణ్ తో సినిమాపై గౌతమ్ ఎంతో ఎగ్జైటింగ్ గా ఉన్నారు. ఇది పాన్ ఇండియా కాదు.. అంతకంటే పెద్దది అవుతుందని చెప్పారు. ఇదొక యాక్షన్ మూవీ అని పేర్కొన్నాడు. మంచి సినిమా చేయడానికి నా శాయశక్తులా ప్రయత్నిస్తాను. తల్చుకుంటే ఏదైనా సాధ్యమే.. పైగా చరణ్ తో సినిమా తీయాలన్నది నా డ్రీమ్ అని తెలిపాడు.

కానీ ఇప్పుడు అసలు ఈ ప్రాజెక్ట్ ఉంటుందో లేదో అనే విధంగా పుకార్లు పుట్టుకొస్తున్నాయి. దీంతో గందరగోళంలో మెగా అభిమానులు.. RC16 దర్శక నిర్మాతలు ఈ విషయం మీద క్లారిటీ ఇవ్వాలని సోషల్ మీడియా వేదికగా కోరుతున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.