ఆ కథే వరుణ్ తో తీశావా - చరణ్

కంచె ఆడియో వేడుకలో బ్రూస్ లీ రామ్ చరణ్ స్పెషల్ అట్రాక్షన్. రెండో సినిమాకే క్రిష్ లాంటి డైరెక్టర్ తో చేయడం వరుణ్ అదృష్టమన్న చరణ్.. తనకోసం స్టోరీ రాయకపోవడాన్ని గట్టిగానే క్వశ్చన్ చేశాడు. నాలుగైదేళ్ల క్రితం చరణ్ కి ఓ స్టోరీ నేరేట్ చేయడం మొదలుపెట్టి.. సగంలోనే ఆపేశాడట క్రిష్.

మూడు పాత్రల మధ్య జరిగే లైన్ వివరించాడట. ఆ తర్వాత మళ్లీ కనిపించి స్టోరీ సంగతి అడిగినా కంప్లీట్ చేయలేదట. ఇప్పుడు ఒకవేళ అదే స్టోరీ వరుణ్ తో తీశావా ఏంటి.. అలా అయితే ఊరుకోనంటూ సున్నితంగా చెప్పినా సూటిగానే అడిగేశాడు చెర్రీ. అబ్బే.. అదీ ఇదీ వేరు వేరంటూ వివరణ ఇచ్చాడు క్రిష్. ఒకవేళ క్రిష్‌ అదే సినిమా తీసున్నా కూడా, నిజానికి ఆ సోల్జర్‌ పాత్రకు చరన్‌, బన్నీ వంటి స్టార్ల ఇమేజ్‌ అడ్డొస్తుంది. ప్రేమ కథ ఫ్రెష్‌ గా ఉండాలంటే.. ఇంకా తొలినాళ్ళలో ఉన్న వరుణ్‌ తేజే కరెక్ట్.

కంచె ఫంక్షన్ లో చెర్రీ మాటలు వింటుంటే... క్రిష్ కాంబినేషన్ లో సినిమా రావాలని గట్టిగా కోరుకుంటున్నట్లుగా కనిపించింది. క్రియేటర్ గా గుర్తింపు పొందిన క్రిష్.. స్టోరీ రాసుకునేందుకు టైం ఎక్కువగానే కేటాయిస్తాడు కానీ.. మూవీ మొదలుపెట్టాక త్వరగానే ఫినిష్ చేస్తాడు. కానీ క్రిష్ తీసే జోనర్ మెసేజ్ లింక్డ్ కమర్షియల్. చరణ్ పక్కా మాస్ కమర్షియల్ హీరో. చూద్దాం.. ఈ రెండింటినీ లింక్ చేసే లైన్ ఎలా ఉంటుందో !