చెర్రీ అప్పుడే డబ్బింగ్‌ మొదలెట్టేశాడు

చరణ్‌ హీరోగా శ్రీనువైట్ల దర్శకత్వంలో ఓ కామెడీ యాక్షన్‌ ఎంటర్‌ టైనర్‌ తెరకెక్కుతున్న సంగతి తెలిసిందే. దేశవిదేశాలు చుట్టొచ్చింది టీమ్‌. ఇప్పటికే మెజారిటీ భాగం చిత్రీకరణ పూర్తయింది. సైమల్టేనియస్‌ గా పోస్టు ప్రొడక్షన్‌ పనులు కూడా సాగుతున్నాయి.

తాజాగా ఈ సినిమా డబ్బింగ్‌ పూజా కార్యక్రమంతో ప్రారంభించారు. ఇంతవరకు ఒక్క సింగల్‌ టీజర్‌, ఫస్టు లుక్‌ పోస్టర్‌ కూడా రిలీజ్‌ చేయకుండా.. అప్పుడే సినిమా డబ్బింగ్‌ కూడా మొదలైందంటే చూస్కోండి మరి. ఇకపోతే ఈ సినిమా టైటిల్‌ ఏంటి అన్నది ప్రస్తుతానికి సస్పెన్స్‌. ఇప్పటికే అరడజను పైగానే టైటిల్స్‌ టాలీవుడ్‌ సర్కిల్స్‌ లో వినిపించాయి. సుప్రీం, విజేత, మై నేమ్‌ ఈజ్‌ రాజు.. ఇవన్నీ అనుకున్నారు. వీటితో పాటే మెరుపు అనే టైటిల్‌ పైనా మనసు పడ్డారని ప్రచారం సాగుతోంది. అయితే ఈ టైటిల్‌ లోగోని అధికారికంగా ప్రకటించే టైమొచ్చేసింది.

ఆగష్టు 22న మెగాస్టార్‌ పుట్టినరోజు. అందుకు ఒకరోజు ముందే పార్క్‌ హయత్‌ లో పుట్టినరోజు వేడుకల్ని నిర్వహిస్తున్నారు. ఇదే వేదిక పై చరణ్‌ సినిమా టైటిల్‌ ని కూడా ప్రకటించేందుకు రెడీ అవుతున్నాడు. అలాగే కొత్తగా డబ్బింగ్‌ చేసిన టీజర్‌ ను కూడా రిలీజ్‌ చేస్తాడు. లక్షలాది టీవీక్షకుల ముందు, మెగా ఫ్యాన్స్‌ ముందు, సెలబ్రిటీల ముందు చరణ్‌ టైటిల్‌ ని ప్రకటిస్తారన్నమాట!