రామ్ చ‌ర‌ణ్ నుంచి ఫ్యాన్స్ కు స‌ర్ ప్రైజ్ న్యూస్‌?

స్టార్ డైరెక్ట‌ర్ రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన 'RRR'తో మెగా ప‌వ‌ర్ స్టార్ వ‌ర‌ల్డ్ వైడ్ గా తిరుగులేని విజ‌యాన్ని సొంతం చేసుకున్న విష‌యం తెలిసిందే. హీరోగా కూడా చ‌ర‌ణ్ ని ఈ మూవీ మ‌రింత‌గా పాపుల‌ర్ అయ్యేలా చేసింది. దీంతో ఈ మూవీ త‌రువాత డైరెక్ట‌ర్ శంక‌ర్ తో సినిమా చేస్తున్న విష‌యం తెలిసిందే. RC15 అనే వ‌ర్కింగ్ టైటిల్ తో కూపొందుతున్న ఈ పొలిటిక‌ల్ యాక్ష‌న్ డ్రామాని స్టార్ ప్రొడ్యూస‌ర్ దిల్ రాజు నిర్మిస్తున్నారు.

ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. రీసెంట్ గా శంక‌ర్.. యూనివర్స‌ల్ స్టార్ క‌మ‌ల్ హాస‌న్ తో 'ఇండియ‌న్ 2'ని తిరిగి ప్రారంభించిన విష‌యం తెలిసిందే. దీంతో త‌న‌కు షూటింగ్ నుంచి విరామం ల‌భించ‌డంతో రామ్ చ‌ర‌ణ్ బ్యాక్ టు బ్యాక్ క‌మ‌ర్షియ‌ల్ బ్రాండ్ ల‌కు సైన్ చేస్తూ క‌మ‌ర్షియ‌ల్ యాడ్స్ ని పూర్తి చేస్తూ వెళుతున్నాడు. ఇదే స‌మ‌యంలో శంక‌ర్ త‌రువాత చేయ‌బోయే నెక్స్ట్ ప్రాజెక్ట్ కు చ‌ర‌ణ్ గ్రీన్ సిగ్న‌ల్ ఇచ్చేశాడ‌ని, మెగా ఫ్యాన్స్ కి స‌ర్ ప్రైజ్ న్యూస్ చెప్ప‌బోతున్నాడ‌ని వార్త‌లు వినిపిస్తున్న విష‌యం తెలిసిందే.

'విక్ర‌మ్' ఫేమ్ లోకేష్ క‌న‌గ‌రాజ్ తో త‌న త‌దుప‌రి సినిమా చేయ‌డానికి చ‌ర‌ణ‌ఫ్ సిద్ధ‌మ‌వుతున్నాడ‌ని ఇటీవ‌ల వార్త‌లు వినిపించాయి. అయితే తాజాగా చ‌ర‌ణ్ క‌న్న‌డ ద‌ర్శ‌కుడు న‌రేష్ కు గ్రీన్ సిగ్న‌ల్ ఇచ్చిన‌ట్టుగా తెలుస్తోంది. దీంతో మెగా ఫ్యాన్స్ క‌న్ఫ్యూజ‌న్ కి గుర‌వుతున్నార‌ట‌. శంక‌ర్ ప్రాజెక్ట్ త‌రువాత చ‌ర‌ణ్ ..లోకేష్ క‌న‌గ‌రాజ్ తో వెళ‌తాడా? లేక క‌న్న‌డ డైరెక్ట‌ర్ న‌రేన్ తో సినిమా చేస్తాడా? అని ఫ్యాన్స్ క‌న్ఫ్యూజ్‌ అవుతున్నార‌ట‌.

అయితే చ‌ర‌ణ్ మాత్రం త‌న త‌దుప‌రి ప్రాజెక్ట్ ని క‌న్న‌డ డైరెక్ట‌ర్ నరేన్ తో చేయ‌బోతున్నాడ‌ని తెలుస్తోంది. చ‌ర‌ణ్ తో కొంత కాలంగా యువీ క్రియేష‌న్స్ ఓ భారీ ప్రాజెక్ట్ ని చేయాల‌ని ప్లాన్ చేస్తోంది. 'జెర్సీ' ఫేమ్ గౌత‌మ్ తిన్న‌నూరిని ఈ ప్రాజెక్ట్ కి ద‌ర్శ‌కుడిగా ఫైన‌ల్ చేసింది. అయితే రీసెంట్ గా బాలీవుడ్ లో రీమేక్ చేసిన 'జెర్సీ' డిజాస్ట‌ర్ అనిపించుకోవ‌డంతో గౌత‌మ్ తిన్న‌నూరిని ప‌క్క‌న పెట్టి ఆ ప్రాజెక్ట్ మ‌రో ద‌ర్శ‌కుడితో చేయాల‌ని యువీ ప్లాన్ చేస్తోంద‌ని తెలిసింది.

గౌత‌మ్ తిన్న‌నూరి స్థానంలో క‌న్న‌డ డైరెక్ట‌ర్ న‌రేన్ ని రంగంలోకి దింపాల‌ని భావిస్తున్నార‌ట‌. చ‌ర‌ణ్ కూడా ఇంట్రెస్ట్ గా వుండటంతో న‌రేష్ తో ప్రాజెక్ట్ ఫైన‌ల్ అయ్యే అవ‌కాశాలే ఎక్కువ‌గా క‌నిపిస్తున్నాయ‌ని ఇన్ సైడ్ టాక్‌. ఈ ప్రాజెక్ట్ కి సంబంధించిన అధికారిక ప్ర‌క‌ట‌న మ‌రో వారంలో రానున్న‌ట్టుగా తెలుస్తోంది.

ఈ ప్రాజెక్ట్ కోసం ఇప్ప‌టికే కీల‌క న‌టీన‌టులు, టెక్నీషియ‌న్ ల ఎంపిక కూడా జ‌రుగుతున్న‌ట్టుగా చెబుతున్నారు. అన్నీ కుదిరితే ఈ మూవీ రెగ్యుల‌ర్ షూటింగ్ అక్టోబ‌ర్ నుంచి ప్రారంభం కానుంద‌ని తెలుస్తోంది. శంక‌ర్ 'ఇండిమ‌న్ 2' షూటింగ్ లో వుండ‌టంతో చ‌ర‌ణ్ కూడా న‌రేన్ ప్రాజెక్ట్ ని పట్టాలెక్కించాల‌నే ఆలోచ‌న‌లో వున్నాడ‌ట‌. నిజంగా ఇది మెగా ఫ్యాన్స్ కి స‌ర్ ప్రైజ్ న్యూసే అంటున్నాయి ఇండ‌స్ట్రీ వ‌ర్గాలు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.