వినాయ‌క చ‌వితికి చెర్రీ ట్రీట్‌

రామ్‌ చ‌ర‌ణ్ - బోయ‌పాటి కాంబో మూవీ టైటిల్ ఏది? ఇంత‌వ‌ర‌కూ `ఆర్‌ సి 12` అంటూ వ‌ర్కింగ్ టైటిల్‌ నే ప‌రిచ‌యం చేసిన టీమ్ ఇంకెప్పుడు టైటిల్‌ ని ప్ర‌క‌టిస్తుంది? ఆ టైటిల్ ఏదో చెప్ప‌రూ ప్లీజ్‌.. చ‌ర‌ణ్ అభిమానుల్లో ఆందోళ‌న ఇదీ. మ‌హేష్ `మ‌హ‌ర్షి` అంటూ ఫ‌స్ట్‌ లుక్‌ తో వ‌చ్చేశాడు. నాగార్జున‌-నాని `దేవ‌దాస్‌` అంటూ స్పైసీ టైటిల్‌ తో ఆక‌ట్టుకున్నారు. ఎన్టీఆర్‌ - యాత్ర - సాహో - అర‌వింద స‌మేత‌ - ఎఫ్ 2 .. అంటూ సాటి హీరోలంతా వాళ్ల సినిమాల టైటిల్స్ ని ప్ర‌కటించేస్తే చర‌ణ్ ఎందుకు ఇంకా మౌనంగా ఉన్నాడు?

అందుకే ఈ మౌనానికి చెక్ పెట్టేసే ప్లాన్‌ లోనే ఉన్నార‌ట‌. ప్ర‌స్తుతం చిత్రయూనిట్ యూర‌ప్ లోని అజ‌ర్‌ భైజాన్ అనే అరుదైన లొకేష‌న్‌ లో ఉన్నారు. అక్క‌డే 25రోజుల సుదీర్ఘ‌మైన షెడ్యూల్ చేస్తున్నారు. ఈ సినిమా బ‌డ్జెట్ విష‌యంలో డీవీవీ దాన‌య్య ఏమాత్రం త‌గ్గ‌డం లేదుట‌. అంచ‌నాల్ని మించి ఖ‌ర్చు చేస్తున్నామ‌ని - చ‌ర‌ణ్ అభిమానుల‌కు రంగ‌స్థ‌లం త‌ర్వాత అంత‌కుమించిన విజువ‌ల్ ట్రీట్ ఇవ్వ‌డ‌మే ధ్యేయ‌మ‌ని ప్ర‌క‌టించారు. అందుకు త‌గ్గ‌ట్టే రాజీ అన్న‌దే లేకుండా ఖ‌ర్చు చేస్తున్నారు. అజ‌ర్‌ భైజాన్‌ లో భారీ యాక్ష‌న్ సీక్వెన్సుల కోసం భారీ మొత్తాల్ని ఖ‌ర్చు చేస్తున్నార‌ని తెలుస్తోంది.

తాజా స‌మాచారం ప్ర‌కారం.. ఈ సినిమా టైటిల్‌ ని వినాయ‌క‌చ‌వితి సంద‌ర్భంగా సెప్టెంబ‌ర్ 13న ప్ర‌క‌టించ‌నున్నార‌ని తెలుస్తోంది. టైటిల్‌ ని ప్ర‌క‌టించి ఆరోజే ఫ‌స్ట్‌ లుక్‌ ని రివీల్ చేస్తార‌ట‌. సినిమా స‌క్సెస్‌ కి టైటిల్ ఎంతో ఇంపార్టెంట్‌. ఇటీవ‌ల సినిమాల టైటిల్స్ అన్నీ క్రియేటివ్‌ గా - క్రిస్పీగా ఆక‌ట్టుకుంటున్నాయి. ఆర్‌ సి 12కి ఎలాంటి టైటిల్‌ ని ఫిక్స్ చేస్తారోన‌న్న టెన్ష‌న్ మెగాభిమానుల్లో ఉంది. మాస్ డైరెక్ట‌ర్ బోయ‌పాటి- దాన‌య్య మైండ్‌ లో ఏ టైటిల్ ఉందో? అంటూ ఆస‌క్తిగా మాట్లాడుకుంటున్నారు.