వాళ్ళు పిలిస్తే చరణ్ వస్తాడా?

ఇంకో ఐదు రోజుల్లో జరగనున్న మహర్షి ప్రీ రిలీజ్ ఈవెంట్ కోసం మహేష్ ఫాన్స్ రెడీ అవుతున్నారు. ఇప్పటికే ఏర్పాట్లు ప్రారంభమైపోయాయి. ప్రిన్స్ 25వ సినిమా కాబట్టి ఇది చాలా స్పెషల్ మూవీగా నిలుస్తోంది. దాని కోసం ఎవరూ ఊహించని ఆకర్షణలు ఆ రోజు ప్లాన్ చేస్తున్నట్టుగా సమాచారం. ఇదిలా ఉండగా స్పెషల్ గెస్ట్ గా ఎవరు వస్తారు అనే దాని మీద మాత్రం ఇంకా సస్పెన్స్ కొనసాగుతోంది.

జూనియర్ ఎన్టీఆర్ అని ప్రచారం జరిగింది కాని గత ఏడాది భరత్ అనే నేనుకు వచ్చాడు కాబట్టి రిపీట్ చేస్తే అంతగా బాగోదు. పైగా చేతికి కలిగిన చిన్న గాయం వల్ల తారక్ కూడా పబ్లిక్ ఫంక్షన్స్ కు వచ్చేందుకు అంతగా ఆసక్తి చూపడం లేదని టాక్. సో బెస్ట్ ఆప్షన్ గా రామ్ చరణ్ నిలుస్తాడు. ఆర్ ఆర్ ఆర్ షూటింగ్ లో ఉన్నప్పుడు జిమ్ లో కలిగిన గాయం వల్ల దాదాపుగా కోలుకున్న రామ్ చరణ్ ని దిల్ రాజు పర్సనల్ గా ఇన్ వైట్ చేసినట్టు తెలుస్తోంది.

మరి చరణ్ వస్తాడా రాడా అనేది చూడాలి. మహేష్ ఫ్యామిలీ కి చరణ్ కుటుంబానికి మంచి బాండింగ్ ఉంది. ప్రైవేటు పార్టీస్ లో క్రమం తప్పకుండా కలుస్తూనే ఉంటారు. మహేష్ పిలిస్తే ఏదో బలమైన కారణం ఉంటె తప్ప చరణ్ నో చెప్పడు. మరి తెరవెనుక ఇదంతా జరిగిందా లేదా అనేది వేచి చూడాలి. ఒకవేళ వస్తే మాత్రం మహర్షి కోసం వచ్చిన చిట్టిబాబుగా ఒకే స్టేజి మీద చరణ్ మహేష్ ల కలయిక ఓ రేంజ్ లో ఉంటుందని వేరే చెప్పాలా