చియాన్ కి తోడుగా మెగా ఫ్యామిలీ?

తమిళనాట కమల్ హాసన్ తరువాత అన్ని విలక్షణపాత్రలు పోషిస్తూ ప్రేక్షకాదరణ పొందుతున్న నటుడు చియాన్ విక్రమ్. ఈ హీరోకి తెలుగునాట కూడా బాక్స్ ఆఫీస్ ని షేక్ చేసిన విజయాలు వుండడంతో ఇక్కడ మార్కెట్ బాగానే ఉంది. అయితే అతని గత చిత్రాలు అటు తమిళనాట, ఇటు తెలుగునాట పెద్దగా విజయం సాధించకపోవడంతో త్వరలో విడుదలకానున్న ఇరుమురుగన్/ ఇంకొక్కడు పై చాలానే ఆశలు పెట్టుకున్నాడు.

అయితే తెలుగు సినీ రంగంనుండి ఈ చిత్రానికి, విక్రమ్ కి మెగా ఫ్యామిలీ నుండు మంచి సపోర్ట్ వస్తున్నట్టు తెలుస్తుంది. సైమా అవార్డ్స్ వేడుకలో ఈ చిత్ర టీజర్ ని మెగాస్టార్ చిరంజీవి లాంచ్ చెయ్యగా ఇప్పుడు త్వరలో విడుదలకానున్న ఆడియో కి రామ్ చరణ్ ప్రత్యేక అతిధిగా హాజరుకానున్నట్టు సమాచారం.

సాధారణంగా ఆడియో రిలీజ్ అంటే ఇండస్ట్రీలో వుండే పెద్దలను పిలిచి వారి ఆశీర్వాదాలు తీసుకుంటారు. అయితే విక్రమ్ అందుకు భిన్నంగా ప్రస్తుతం వివిధ భాషల్లో మంచి పొజిషన్ లో వున్న యంగ్ హీరోలను ఆహ్వానించాడు. తమిళనాట నుండిశివకార్తికేయన్, మలయాళం నుండి నివిన్ పౌలీ - తెలుగు నుండి రామ్ చరణ్ ని ప్రత్యేకంగా ఆహ్వానించినట్టు తెలుస్తుంది.