త్రివిక్రమ్ చుట్టూ కొత్త రూమర్స్!!

త్రివిక్రమ్ శ్రీనివాస్ కొత్త సినిమాకి సర్వం సిద్ధమైన సంగతి తెలిసిందే. పవన్ కళ్యాణ్ తో మాటల మాంత్రికుడు కొత్త మూవీ మొదలు పెట్టేయనున్నాడు. ఇప్పటికే ప్రకటించేయడం.. హీరోయిన్లను కూడా ఫైనల్ చేసేశారు. ఇప్పుడు మొదలైన కొత్త టాక్ ఏంటంటే.. త్రివిక్రమ్ కొత్త సినిమా ఏంటి?

కొన్ని రోజులుగా ఎన్టీఆర్ తో త్రివిక్రమ్ సినిమాపై చాలానే మాటలు వినిపిస్తున్నాయి. జనతా గ్యారేజ్ మూవీ సక్సెస్ తర్వాత చాలానే ఆలోచనలు చేస్తుండగా.. వీటిలో త్రివిక్రమ్ సినిమా కూడా ఉంది. ఎన్టీఆర్-త్రివిక్రమ్ ఆల్మోస్ట్ కన్ఫాం అనుకుంటున్న టైమ్ లో.. మాంత్రికుడి దగ్గరకు మెగా పవర్ స్టార్ తో మూవీ చేయాలని నిర్ణయించుకున్నాడని చెప్పుకుంటున్నారు. ఇంకా కన్ఫర్మేషన్ అంటూ చెప్పడం లేదు.. మెగా ఆఫర్ రాగానే ఎన్టీఆర్ మూవీని త్రివిక్రమ్ సైడ్ ట్రాక్ లో పెట్టేశాడని రూమర్లు వినిపిస్తున్నాయి. దాదాపుగా ఇప్పటికే త్రివిక్రమ్-రామ్ చరణ్ మూవీ కన్ఫాం అయిపోయిందని.. సుకుమార్- కొరటాల శివలతో సినిమాలు పూర్తి కాగానే.. త్రివిక్రమ్ సినిమా మొదలుకానుందని కూడా టాక్.

మొత్తం మీద చెర్రీ లైన్ లో పెట్టిన సినిమాల లిస్ట్ మాత్రం మెగా ఫ్యాన్స్ ను ఉర్రూతలూగిస్తోంది. కాకపోతే మొన్న స్వయంగా చరణ్‌ తన తదుపరి సినిమాల లిస్టు గురించి చెప్పినప్పుడు అందులో త్రివిక్రమ్ పేరు మాత్రం చెప్పలేదు. కాబట్టి అప్పుడే ఈ కాంబినేషన్ గురించి ఏమీ చెప్పలేం. పైగా మొన్నామధ్యన త్రివిక్రమ్ మెగాస్టార్ ను కలసి రెండు గంటలు మంతనాలు జరిపాడు కాని.. చరణ్‌ తో ఏ కథా చెప్పినట్లు లేడు. కాబట్టి త్రివిక్రమ్ చుట్టూ వినిపిస్తున్న ఈ కొత్త రూమర్స్ ను పెద్దగా నమ్మలేం.