వినయ విధేయుడి విధ్వంసం

మెగా ఫ్యాన్స్ ఎగ్జైట్ మెంట్ పీక్స్ కి చేరిపోతోంది. మరో మూడు రోజుల్లో విడుదల కానున్న వినయ విధేయ రామ కోసం కళ్ళు కాయలు కాచేలా ఎదురు చూస్తున్నారు. ఇప్పటికే ఆన్ లైన్ బుకింగ్స్ జోరుగా సాగుతున్నాయి. బెనిఫిట్ షోల కోసం ఏర్పాట్లు జరుగుతున్నాయి. రంగస్థలం లాంటి డిఫరెంట్ మూవీ తర్వాత రామ్ చరణ్ చేస్తున్న అవుట్ అండ్ అవుట్ మాస్ ఎంటర్ టైనర్ కావడంతో పాటు దర్శకుడు బోయపాటి తోడవ్వడంతో అంచనాలు మాములుగా లేవు. ఇప్పటికే ట్రైలర్ తో పాటు పోస్టర్స్ లో రామ్ చరణ్ మాస్ అవతారం చూసి అభిమానులు గూస్ బంప్స్ తెచ్చేసుకున్నారు.

తాజాగా వచ్చిన మరో అప్ డేట్ మరింత కిక్ ఇచ్చేలా ఉంది. ఆ మధ్య ఈ మూవీలో కీలకమైన షెడ్యూల్ కోసం అజర్ బైజాన్ లో షూటింగ్ చేసిన సంగతి తెలిసిందే. బీహార్ నేపాల్ బోర్డర్ లో వచ్చే సన్నివేశాల కోసం మొత్తం అక్కడే తీసారు. విశ్వసనీయ సమాచారం మేరకు ఈ ఒక్క ఎపిసోడ్ కోసమే 12 కోట్ల రూపాయలు ఖర్చు పెట్టారట. ప్రత్యేకంగా పిలిపించిన రష్యన్ ఫైటర్స్ తో పాటు స్థానికంగా వనరులను ఉపయోగించుకుని బీహార్ వాతావరణాన్ని ప్రతిబింబించేలా వేసిన సెటింగ్స్ అన్ని కలిపి భారీగా బడ్జెట్ అయినట్టు టాక్.

చొక్కా లేకుండా రామ్ చరణ్ చాతి మీద టాటూలతో బురదలో చేసే ఫైట్-గుర్రంపై వెళ్తుండగా వెనుక విలన్ గ్యాంగ్ తరిమే సీన్స్ అన్ని అక్కడే వస్తాయని తెలిసింది. ఈ యాక్షన్ బ్లాక్ చూస్తున్నంత సేపు అభిమానులు సీట్లలో కూర్చోవడం కష్టమే అని ఇన్ సైడ్ టాక్.ఆ రేంజ్ లో ఈలలు గోలకు హామీ ఇస్తోంది యూనిట్. వివేక్ ఒబెరాయ్ ఎంట్రీ కూడా ఇందులోనే ఉంటుంది. మొత్తానికి పేరుకు మాత్రమే వినయంగా కనిపిస్తున్నా తెరమీద విధ్వంసం రాముడు ఓ రేంజ్ లో చేసాడట.