రేపు సాయంత్రం 9 గంటలకు రామ్‌ చరణ్‌ రచ్చ రచ్చ

రంగస్థలం లాంటి సూపర్‌ హిట్‌ తర్వాత రామ్‌ చరణ్‌-బోయపాటి కాంబినేషన్‌ లో సినిమా అనగానే ఫ్యాన్స్‌ కి ఒక్కసారిగా పూనకాలు వచ్చేశాయి. ఇక చిన్న టీజర్‌ రాగానే.. ఈసారి సంక్రాంతికి రామ్‌ చరణ్‌ ఏదో చేయబోతున్నాడనే ఫీలింగ్‌ అభిమానుల్లో కలిగింది. చిన్న టీజర్‌ లో స్టోరీ ఏదీ తెలీకుండా బోయపాటి జాగ్రత్తపడ్డాడు. థియేట్రిలకల్‌ ట్రైలర్‌ ఎప్పుడెప్పుడా అని వెయిట్‌ చేయడం మొదలుపెట్టారు. ఆ టైమ్‌ ఇప్పుడు వచ్చేసింది. వినయ విధేయ రామ థియేట్రికల్‌ ట్రైలర్‌ ను గురువారం సాయంత్రం 9 గంటలకు లాంచ్‌ చేస్తున్నారు. ఈ ట్రైలర్‌ కూడా వచ్చాక వినయ విధేయ రామ సినిమాలో అంచనాలు ఓ రేంజ్‌ లో పెరుగుతాయడనంలో ఎలాంటి డౌట్సే అవసరం లేదు. లెక్కప్రకారం ఆడియో ఫంక్షన్‌ లోనే ట్రైలర్‌ రిలీజ్‌ చేద్దామని అనుకున్నారు. అయితే.. ముందే రిలీజ్‌ చేస్తే.. ఆడియో ఫంక్షన్‌ కి కూడా మాంచి హైప్‌ వస్తుందని.. ఒక రోజు ముందుగానే రిలీజ్‌ చేస్తున్నారు.

అల్లు అర్జున్‌ కెరీర్‌ లో సరైనోడు సినిమా సినిమా. స్టార్టింగ్‌ లో నెగిటివ్‌ వచ్చినా.. ఫైనల్‌ గా సూపర్‌ హిట్‌ అయ్యింది. ఈ సినిమాలో బన్నీని బోయపాటి ప్రెజెంట్‌ చేసిన తీరుకి అందరూ ఫిదా అయ్యారు. ఇప్పుడు రామ్‌ చరణ్‌ వంతు. మామూలుగానే రామ్‌ చరణ్‌ డ్యాన్సులు - ఫైట్లు బాగా చేస్తాడు. ఇక తనకి బాగా అచ్చొచ్చిన గుర్రపుస్వారీ కూడా ఇందులో ఉన్నట్లు పోస్టర్స్‌ కన్పిస్తుంది. అన్నింటికి మించి బోయపాటి శ్రీను ట్రైలర్‌ బాగా కట్‌ చేస్తాడు. సినిమాలో ఇంపార్టెంట్‌ షాట్స్‌ ఏవీ ఒక్కటీ కూడా మిస్‌ కానివ్వడు. గురువారం రిలీజ్‌ కాబోతున్న ట్రైలర్‌ తో రామ్‌ చరణ్‌ రచ్చ మొదలైనట్లే లెక్క.