ఈ బ్రాండ్‌ అంబాసిడర్‌ జాబ్‌ ఎందుకో?

ఇన్ని సంవత్సరాల్లో ఎప్పుడైనా ప్రభాస్‌ గురించి ఒక్క మాట చెప్పాడా? రాజమౌళిని ఎప్పుడైనా ఆకాశానికి ఎత్తేశాడా? అసలు రాజమౌళి పనిని మెచ్చుకున్నాడా? సరే.. మెగాస్టార్‌ చిరంజీవి 150వ సినిమా గురించి మొన్నటివరకు పూరి జగన్‌ను ఆకాశానికి ఎత్తేశాడు.. కనీసం ఆ ట్వీట్లనైనా గుర్తుపెట్టుకున్నాడా? ఆటో జాని కంటే మంచి కథ చిరంజీవికి దొరకదని చెప్పాడు.. అదైనా గుర్తుందా? ప్రస్తుతం సంచలనాల దర్శకుడు రామ్‌ గోపాల్‌ వర్మ సినిమాలతో సంచలనాలు చేయడం మానేసి తన ట్వీట్లతో విసుగు తెప్పిస్తుండటంతో.. ఆడియన్స్‌ ఇలాంటి ప్రశ్నలన్నీ అడుగుతున్నారు.

సడన్‌గా వర్మ ప్రభాస్‌ను సింహం, రాజు అంటూ పొగిడేస్తున్నాడు. మునుపెన్నడూ చూపించిన ప్రేమ ఇది. పోనివ్‌ ఇదంతా బాహుబలి క్రేజ్‌లో ఏదో చేస్తున్నాడులే అనుకుంటే.. చిరంజీవి 150వ సినిమాను మధ్యలోకి లాగేస్తున్నాడు. ఖచ్చితంగా ఆ సినిమాను రాజమౌళి మాత్రమే చేయాలి అంటున్నాడు. మొన్ననే కదా మాష్టారూ మీరే పూరి జగన్‌ చెప్పిన కథ అద్భుతం, అది కనుక మెగాస్టార్‌ హీరోగా చేస్తే ఇక రచ్చ రంబోలా అన్నారు.. ఇప్పుడేమో ప్లేట్‌ మార్చేసి సడన్‌గా రాజమౌలితో చేయమంటున్నారేంటి? కొంపతీసి ఆ సినిమా నుండి పూరి జగన్‌ను తీసేశారనే గ్రడ్జ్‌ తో ఇలా చెబుతున్నారా లేకపోతే నిజంగానే పూరి కంటే రాజమౌళి బెస్ట్‌ అని ఇలా సెలవిస్తున్నారా? మీ మాటలు వింటుంటే ముందు పూరి జగన్‌ ఫీలయ్యేలా ఉన్నాడు సార్‌. అయినా సడన్‌గా మీరు 150వ సినిమాకు బ్రాండ్‌ అంబాసిడర్‌గా మారిపోయారేంటి? కిల్లింగ్‌ వీరప్పన్‌ సినిమా షూటింగ్‌లో బిజీగా ఉన్నారని అనుకున్నామే...