దాసరిపై వర్మ టచింగ్ కామెంట్

రామ్ గోపాల్ వర్మను ట్విట్టర్లో ఫాలో అయ్యేవాళ్లకు ఆయన ఎలాంటి కామెంట్లు చేస్తారో కొత్తగా చెప్పాల్సిన పని లేదు. ఆయన సెటైర్లకు బాగా ప్రసిద్ధి. చిన్నా పెద్దా తేడా లేకుండా ఎవర్ని ఉద్దేశించి అయినా.. టూమచ్ కామెంట్లు పెడుతుంటాడు వర్మ. ఐతే దర్శకరత్న దాసరి నారాయణరావు మృతి నేపథ్యంలో మాత్రం వర్మ తన శైలి విడిచి పెట్టాడు. ఈ మధ్యే ట్విట్టర్ వదిలేసి ఇన్ స్టా గ్రామ్ కు వెళ్లిపోయిన వర్మ.. అక్కడ వరుసగా హాట్ హాట్ వీడియోలు.. ఫొటోలతో హీటెక్కించేస్తున్న సంగతి తెలిసిందే. మరి దాసరి గురించి ఏం కామెంట్ పెడతాడో అనుకుంటుండగా.. ఆయన్ని ఉద్దేశించి టచింగ్ మెసేజ్ పెట్టాడు.

డైరెక్టర్ కుర్చీ ఉన్న ఫొటో కింద.. ‘‘అనే కుర్చీకి వన్నెతెచ్చిన వ్యక్తి.. దర్శకత్వం అన్న మాటకి గౌరవం తెచ్చిన వ్యక్తి దాసరి అని.. ఆయన తిరిగొచ్చి తన కుర్చీలో తనే కూర్చోవాలని కామెంట్ పెట్టాడు వర్మ. ఈ కామెంట్ చూసి సినీ జనాలందరూ వారెవా అంటున్నారు. వర్మ చెప్పింది అక్షరాలా నిజం అని.. ఆయన దాసరి గురించి తక్కువ మాటల్లో చాలా బాగా చెప్పాడని అభిప్రాయపడుతున్నారందరూ. వర్మ ఇలాంటి కామెంట్లు కూడా పెడతాడా అని కొందరు ఆశ్చర్యపోతున్నారు. వర్మ అనే కాదు.. క్రిష్ సైతం దాసరి గురించి గొప్పగా వ్యాఖ్యానించాడు. మొత్తం సినీ పరిశ్రమ దాసరిని వేనోళ్ల పొగిడేస్తోంది. ఆయన గొప్పదనమేంటో అందరూ అద్భుతంగా చెబుతున్నారు.

Like Us on Facebook : https://www.facebook.com/Tupakidotcom/