కిల్లింగ్ సక్సెస్ ని ఎంజాయ్ చేస్తున్న రామూ

తనలో టాలెంట్ అనువంతైనా తగ్గలేదని అప్పుడప్పుడూ రుజువుచేసే రామ్ గోపాల్ వర్మకి సుదీర్ఘ విరామం తరువాత ముత్తులక్ష్మి కారణంగా విజయలక్ష్మి వరించింది. తన శిష్యుడు పూరి రాసినట్టు ప్రతీ కుక్కా ఓ రోజు మొరుగుతుంది. ఈరోజు రామూ మొరిగాడు అంతే..

బయోపిక్ లకు బాబుగా వ్యవహరిస్తున్న రామూ లేటెస్ట్ ఎంగేజింగ్ డ్రామా కిల్లింగ్ వీరప్పన్ సినిమా పాత రామూలో చాలా శాతాన్ని వెలికితీసింది. ముఖ్యంగా శివరాజ్ కుమార్ పై క్లోజ్ అప్ షాట్స్ - డ్రోన్ కెమెరా పనితనం - ఎటాక్ ప్లాన్ చేసిన విధానం అందరినీ విస్మయపరిచింది.

అన్నిటికంటే మించి వీరప్పన్ పాత్ర పోషించిన నటుడిపై ప్రశంసల వర్షం కురుస్తుంది. అతని హావభావాలు - నడక - నడత అన్నీ సహజశైలిలో వుండడంతో రియల్ కిక్ వచ్చింది. ఈ విజయాన్ని రామూ బాగానే ఎంజాయ్ చేస్తున్నాడు. తన క్రూ అందరితో కాఫీ కప్పు ఫోజులు - తనని చంపుతున్నట్టు ఫోటోలు తీస్తూ ట్విట్టర్ లో ఆనందాన్ని వ్యక్తీకరించడం విశేషం.