వర్మకు 'దావూద్' దొరికేశాడు!

ఏమాటకు ఆమాటే చెప్పుకోవాలి. వాస్తవ సంఘటనలు, జీవిత గాధలను తెరకెక్కించడంలో దర్శకుడు రామ్ గోపాల్ వర్మది ప్రత్యేక శైలి. ముఖ్యంగా పాత్రల ఎంపికలో ఎప్పుడూ తన మార్క్ ను చాటుతుంటాడు వర్మ. 26/11 లో అచ్చం 'కసబ్'లానే కనిపించే ఓ నటుడిని పట్టేశాడు. 'వీరప్పన్' కూడా అంతే. ఇప్పుడు అండర్‌ వరల్డ్‌ డాన్‌ దావూద్‌ ఇబ్రహీం కూడా కుదిరేశాడు.

దావూద్‌ ఇబ్రహీం కధ ఆధారంగా ‘గవర్నమెంట్‌’ పేరుతో ఓ సినిమాని తెరకెక్కించనున్నాడు వర్మ. ఈ సినిమాలో దావూద్‌ పాత్రలో నటుడి కోసం అన్వేషించిన వర్మకు అచ్చం దావూద్ పోలికలతో వుండే ఓ నటుడు దొరికాడు. ఈ ఫోటో తన పేస్ బుక్ ఓ పోస్ట్ చేశాడు వర్మ. దావూద్ ఇబ్రహీం ఫోటో ఒకటి నెట్ లో కనిపిస్తూవుటుంది. అచ్చం అదే ప్రింట్ తో వున్నాడు వర్మ దావూద్. మొత్తమ్మీద కాస్టింగ్ లో మరోసారి వావ్.. అనిపించాడు వర్మ. మరి ఈ సినిమా వంగవీటి సినిమా పూర్తయిన తరువాత మొదలుపెడతాడో లేక ముందే స్టార్ట్ చేస్తాడో త్వరలోనే తెలియనుంది..!