వర్మ సినిమా వచ్చేస్తోందోచ్చేస్తోంది

రామ్ గోపాల్ వర్మ ఖాతాలో చాలా సినిమాలే ఉన్నాయి. కానీ వాటిలో ఏ సినిమా ఏ స్థితిలో ఉందో.. ఎప్పుడు విడుదలవుతుందో ఎవరికీ క్లారిటీ లేదు. సావిత్రి అన్నాడు.. స్పాట్ అన్నాడు.. సీక్రెట్ అన్నాడు.. అటాక్ అన్నాడు.. ఈ మధ్యే ‘కిల్లింగ్ వీరప్పన్’ అంటూ సందడి చేశాడు. కానీ వీటిలో ఏ సినిమా ఎప్పుడు రిలీజవుతుందో చెప్పకుండా ట్విట్టర్లో ముచ్చట్లతో కాలక్షేపం చేస్తున్నాడు వర్మ. ఐతే వీటికి ఒక సినిమా రిలీజ్ డేట్ గురించి ఓ క్లారిటీ వచ్చింది.

గంధ‌పుచెక్క‌ల స్మ‌గ్ల‌ర్ వీర‌ప్ప‌న్ జీవిత చ‌రిత్ర‌తో తెర‌కెక్కుతున్న ‘కిల్లింగ్ వీర‌ప్ప‌న్‌’ రిలీజ్ డేట్ వచ్చేసింది. నవంబరు 6న తెలుగు - కన్నడ - హిందీ భాషల్లో ఈ సినిమాను రిలీజ్ చేయనున్నట్లు ప్రకటించారు. వీరప్పన్ మీద ఇప్పటికే తమిళంలో ఓ సినిమా వచ్చినా అది పెద్దగా ఆడలేదు. ఐతే వ‌ర్మ వీరప్పన్ గురించి చాలా పరిశోధించి ఈ సినిమా తెరకెక్కించాడు. ఇప్పటికే ఈ సినిమా పోస్టర్లు సంచలనం రేపాయి.

కన్నడ స్టార్ హీరో క‌న్న‌డ న‌టుడు శివ‌రాజ్ కుమార్ వీరప్పన్ ను మట్టుబెట్టిన పోలీసాఫీసర్ పాత్రలో నటిస్తున్నాడు. సందీప్ భరద్వాజ్ అనే బాలీవుడ్ నటుడు వీరప్పన్ పాత్ర పోషిస్తున్నాడు. అచ్చం వీరప్పన్ లా ఉన్న అతడి లుక్ చూసి జనాలు షాకయ్యారు. ఈ సినిమాతో వర్మ మళ్లీ తనేంటో చాటుకుంటాడన్న అంచనాలున్నాయి. మరి ఆ అంచనాల్ని అందుకుంటాడో లేదో చూడాలి.