మెగాస్టార్ తో మరోసారి వర్మ మూవీ

బాలీవుడ్.. ఐ యామ్ బ్యాక్ అంటున్న ఆర్జీవీ.. బాలీవుడ్ లో రామ్ గోపాల్ వర్మ చెప్పుకోదగ్గ సినిమాలు చాలానే తీశాడు కానీ.. ఈ మధ్య బాగా డల్ అయిపోయాడు. బొత్తిగా ట్వీట్లు తప్ప క్రేజీ ప్రాజెక్టుల విషయంలో కూడా వెనకబడిపోయాడు. ఈ ట్రెండ్ కి వీరప్పన్ బ్రేక్ వేసినట్లే కనిపిస్తోంది. కిల్లింగ్ వీరప్పన్ లో కేస్టింగ్ కొంచెం మార్చి, బాలీవుడ్ వెర్షన్ ట్రైలర్ ని రిలీజ్ చేసి.. మళ్లీ అందరి దృష్టిని ఆకర్షించాడు వర్మ.

ఇదే ఊపులో ఇప్పుడు మరో క్రేజ్ ప్రాజెక్ట్ అనౌన్స్ చేసేశాడు. 2005 లో సర్కార్, 2008లో సర్కార్ రాజ్ చిత్రాలు.. వర్మ కెరీర్ లో టాప్ చిత్రాల్లో ఉంటాయి. ఇవి బాలీవుడ్ మెగాస్టార్ అమితాబ్ బచ్చన్ ని.. డాన్ కేరక్టర్లో భలే ఎస్టాబ్లిష్ చేశాయి. ఈ రెండు చిత్రాలకు స్వీకెల్ గా ఇప్పుడు సర్కార్ 3 చేయబోతున్నట్లు ప్రకటించాడు వర్మ. అమితాబ్ బచ్చన్ లాంటి దిగ్గజ నటుడితో మరో సినిమా చేసే అవకాశం రావడం తన అదృష్టంగా చెప్పాడు. అయితే.. అప్పటి ట్రెండ్ కి ఇప్పటి ట్రెండ్ కి భిన్నంగానే ఈ మూవీ ఉండనుందట.

అదే సిరీస్ అయినా.. ఈ సర్కార్ లో అభిషేక్ బచ్చన్, ఐశ్వర్యారాయ్ లు ఉండరని తెలుస్తోంది. మిగిలిన డీటైల్స్ త్వరలో ప్రకటిస్తానని చెప్పిన వర్మ.. ఇది తనకు బాలీవుడ్ లో కంబ్యాక్ మూవీ అవుతుందని ఆశిస్తున్నాడు. మరి ఆ రెండు చిత్రాలకు సీక్వెల్ గా తెరకెక్కించి.. మరో సంచలనం సృష్టిస్తాడో.. సర్కార్ సిరీస్ కి ఉన్న వాల్యూపై దెబ్బ కొడతాడో చూడాలి.