వంగవీటి మూవీలో పవన్ నటిస్తున్నాడా?

దిగ్గజ దర్శకుడు దాసరి నారాయణ రావు - పవర్ స్టార్ పవన్ కళ్యాణ్ కాంబినేషన్ లో ఓ మూవీ రానుందనే వార్త ఏడాది నుంచి వినపడుతోంది. ఇప్పటివరకూ ఇతనే దర్శకుడు అంటూ రెండు మూడు పేర్లు కూడా వినిపించాయి. మొదట దాసరినే డైరెక్టర్ అన్నారు. ఆ తర్వాత డాలీ - సంపత్ నంది - డాన్స్ మాస్టర్ జానీ మాస్టర్ ల పేర్లు వినిపించాయి కానీ.. ఏదీ ఫైనల్ కాలేదు.

ఇప్పుడు ఈ చిత్రానికి రాంగోపాల్ వర్మ చేతికి అప్పగించనున్నారనే వార్త హల్ చల్ చేస్తోంది. బయోపిక్స్ తీయడంలో వర్మకు సాటి వచ్చే డైరెక్టర్ ఇండియాలోనే లేడన్నది ఇండియన్ ఫిలిం ఇండస్ట్రీ మొత్తం అంగీకరించే వాస్తవం. వంగవీటి పేరుతో త్వరలో ఓ సినిమా చేయనున్నట్లు వర్మ ఇప్పటికే ప్రకటించాడు. ఈ మూవీలో నటీనటుల విషయాన్ని అనౌన్స్ చేయలేదు. ఇప్పుడీ మూవీలో టైటిల్ రోల్ ని పవన్ తో చేయించాలని వర్మ భావిస్తున్నాడనే న్యూస్ హల్ చల్ చేస్తోంది. ఇది దాసరి నిర్మాణంలోనే జరిగితే, మరింత క్రేజ్ ఏర్పడుతుందన యోచన చేస్తున్నారట. అయితే పవన్ కోసం ఎక్కువకాలం వెయిట్ చేయాల్సి వస్తుందనే, దాసరికి ఇచ్చిన డేట్స్ ని ఉపయోగించుకోవాలన్నది వర్మ థాట్ గా చెబుతున్నారు.

పవర్ స్టార్ హీరో, నిర్మాతగా దాసరి, దర్శకుడిగా వర్మ... కాంబినేషన్ చాలా క్రేజీగా వినిపిస్తోంది కానీ.. ఈ మూవీ కాన్సెప్ట్ గురించే ఆలోచించాలి. బెజవాడ బేస్డ్ గా నడిచినా కుల రాజకీయాల చుట్టూ ఈ మూవీ తిరుగుతుందని ఒప్పుకోవాలి. మరి కులం అంటే పవర్ స్టార్ అంతెత్తున ఎగిరిపడతాడు. తన సొంత కాస్ట్ మద్దతు కూడా అవసరం లేదని చాలాసార్లు ఓపెన్ గా చెప్పాడు. మరి ఈ ప్రాజెక్ట్ ఏ మేరకు వర్కవుట్ అవుతుందనే అనుమానాలు ఒక వైపు ఉన్నాయి. అయితే.. పవన్ - దాసరిలు కూడా వంగవీటి కేరక్టర్ కు సంబంధించిన కాస్ట్ వాళ్లే కావడంతో.. ఈ ప్రాజెక్ట్ ఫైనల్ అవ్వచ్చన్నది ఇండస్ట్రీ టాక్.