ఇలియానా 2.0 అంటూ మున‌గ‌చెట్టెక్కించారు!

శిష్యుడు పూరి తెర‌కెక్కించిన `ఐస్మార్ట్ శంక‌ర్` స‌క్సెస్ సెల‌బ్రేష‌న్స్ లో ఆర్జీవీ త‌ల‌మున‌క‌లుగా ఉన్న సంగ‌తి తెలిసిందే. స‌క్సెస్ పార్టీలో బీర్ పొంగించి మీద ఒల‌క‌బోసుకుని సంబ‌రాలు చేసుకున్నారు. టీమ్ స‌భ్యుల్లో ఛార్మి.. న‌భాన‌టేష్ బృందాన్ని ఆయ‌న బీర్ లో ముంచేశారు. ఆ దృశ్యాలు సామాజిక మాధ్య‌మాల్లో వైర‌ల్ గా మారిన సంగ‌తి తెలిసిందే. ఆర్జీవీ అంత‌టితో ఆగ‌కుండా పూరి బృందాన్ని ఓ రేంజులో పొగిడేస్తున్నారు.

ఇక ఈ చిత్రంలో బోల్డ్ పెర్ఫామెన్స్ తో అందాల ఆర‌బోత‌కు ఏమాత్రం అడ్డు చెప్ప‌ని న‌భా న‌టేష్ కి ఆర్జీవీ వీరాభిమానిగా మారిపోయారు. ఆయ‌న న‌భాని పొగిడేసిన తీరుకు వోడ్కా తాగినంత కిక్కులోకి వెళ్లిపోయింది న‌భా. ఇంత‌కీ ఆర్జీవీ ఏమ‌ని పొగిడారు? అంటే.. `న‌భా న‌టేష్ ఇలియానా 2.0` అంటూ కితాబిచ్చేశారు. న‌భాని చూడ‌గానే ఆర్జీవీకి అంత కిక్కు ఎందుకు ఎక్కిందో కానీ.. త‌న‌లో అంత పెర్ఫామ‌ర్ ని చూశారా? లేక గ్లామ‌ర్ యాంగిల్ లో త‌న‌ను అంత‌గా పొగిడేశారా? అన్న‌ది ఆయ‌నే చెప్పాలి.

ఆర్జీవీ పొగ‌డ్త‌కు న‌భా ఉబ్బిత‌బ్బిబ్బ‌యిపోతోంది. ఆయ‌న సినిమాల‌కు తాను వీరాభిమానిని అంటూ సంతోషాన్ని ప‌ట్టలేక‌పోయిన న‌భా ప్ర‌త్యేకించి థాంక్స్ చెప్పింది. ప్ర‌శంసల‌తోనే ఆర్జీవీ ఆల్మోస్ట్ మున‌గ చెట్టెక్కినంత ప‌ని చేశారు. అందుకు త‌గ్గ‌ట్టే త‌న‌కు ఇండ‌స్ట్రీ టాప్ బ్యాన‌ర్ల‌లో అవ‌కాశాలు ద‌క్క‌నున్నాయేమో చూడాలి. మ‌రోవైపు నిధి అగ‌ర్వాల్ సైతం ఈ ఆనందాన్ని ఇస్మార్ట్ టీమ్ తో సెల‌బ్రేట్ చేసుకుంటున్నా న‌భాకి వ‌చ్చినంత గుర్తింపు మాత్రం రాలేదేమిటో!!