రామూకి జక్కన్న పంచ్ వేశాడా?

డే ఏదైనా దాంతో సంబంధంలేకుండా దాన్ని చిత్ర విచిత్రంగా రివ్యూ చేసి తన ఫాలోవర్లకు ట్వీట్ల వర్షం కురిపించే ఘనుడు రామ్ గోపాల్ వర్మ. ఏదైనా రోజుకు ప్రత్యేకత వచ్చిందంటే దాన్ని రామూ కోణంలో చూడాలని అతని ట్వీట్ లు గురించి ఎదురుచూసే సంఘటనలు కూడా వున్నాయి. నిన్న టీచర్స్ డే పుణ్యమా అని రామూ తన గతాన్ని గుర్తుతెచ్చుకుని వేసిన ట్వీట్ లు మరోసారి వార్తలలో నిలిచాయి.

హ్యాపీ టీచర్స్ డే అంటూ డైరెక్ట్ పోస్ట్ చేసేస్తే కిక్కేముంటుంది అనుకున్నాడేమో చిన్నప్పుడు తాను స్కూల్ లో లాస్ట్ బెంచ్ లో కూర్చునేవాడినని, చెప్పిన క్లాసులు వినకుండా మ్యాగ్జీన్ లు, నవలలు చదువుకుంటూ కాలం గడిపేవాడినని కానీ ప్రస్తుతం మా క్లాస్ లో నేనే మంచి పొజిషన్ లో వున్నానని చెప్పుకొచ్చాడు. దీనికి రాజమౌళి స్పందిస్తూ ఎన్నో విషయాలలో మాలాంటి ఎంతో మందికి మీరు గురువులాంటివారని టీచర్స్ డే శుభాకాంక్షలు తెలిపాడు.

కానీ ఈ సంబాషణలో గూడార్ధం గమనిస్తే టీచర్ చెప్పిన మాటలు వినకపోవడంతోనే నేనింత గొప్పవాడినయ్యాను అన్న రామూ ఇన్నర్ మీనింగ్ కి జక్కన్న తెలివిగా మీరు మాకు టీచర్ లాంటి వారు అన్న ఆన్సర్ ఇచ్చాడు. కాబట్టి రామూ చెప్పిన మాటలు కూడా మేము పట్టించుకోమని రాజమౌళి తనదైన శైలిలో కౌంటర్ ఇచ్చినట్టేగా... ఏమంటారు?