వర్మ అసిస్టెంట్ తో కాదు.. వర్మతోనే..

తన మొదటి సినిమా చేదు అనుభవం నుంచి బయటపడి హలో సినిమాతో ఫర్వాలేదని అనిపించుకున్నాడు అక్కినేని హీరో అఖిల్. విక్రమ్ కె.కుమార్ దర్శకత్వంలో వచ్చిన హలో అఖిల్ లోని టాలెంట్ ఏమిటో ఇండస్ట్రీకి.. ప్రేక్షకులకు తెలియజేసింది. హలో తరవాత ఏం చేయాలా అన్నదానిపై కొద్దిరోజులుగా కుస్తీలు పడుతున్న అఖిల్ ఎట్టకేలకు ఓ నిర్ణయానికి వచ్చినట్టు కనిపిస్తోంది.

అఖిల్ తన తరవాత సినిమాను వివాదాల దర్శకుడు రామ్ గోపాల్ డైరెక్షన్ లో చేయడానికి రెడీ అవుతున్నాడు. అఖిల్ తో తీయడానికి మంచి కథలు ఉంటే చెప్పాలని రామ్ గోపాల్ వర్మ ఈమధ్య తన అసిస్టెంట్లను కోరాడు. వాళ్లలో ఒకరు చెప్పిన స్టోరీ అఖిల్ కు నచ్చింది. అయితే ఈ సినిమా అసిస్టెంట్లు కాకుండా డైరెక్టర్ గా రామ్ గోపాల్ వర్మనే డైరెక్ట్ చేయమని కోరాడని తెలుస్తోంది. ముందు ఆయన కూడా దీనికి పెద్దగా ఇష్టపడక పోయినప్పటికీ అఖిల్ పట్టుదలగా ఉండటంతో సరేనన్నాడట.

ప్రస్తుతం రామ్ గోపాల్ వర్మ ప్రస్తుతం అఖిల్ తండ్రి.. నాగార్జునతో ఓ యాక్షన్ చిత్రం చేస్తున్నాడు. దీని షూటింగ్ జోరుగా సాగుతోంది. ఇదయ్యాకనే అఖిల్ సినిమా గురించి ఆర్జీవీ ఆలోచించే అవకాశమంది. ఆర్జీవీ సినిమాల్లో నటించే యాక్టర్లకు కచ్చితంగా పేరొస్తుంది. అంతలా యాక్టర్ల నుంచి నటన రాబట్టుకుంటాడు. అందుకే రామ్ గోపాల్ డైరెక్షన్ లో సినిమాలో చేయాలని అఖిల్ డిసైడై పోయాడు.