దసరా రేసులో ఆయన కూడా చేరాడు

దసరా పండుగ ఫైనల్ స్టేజ్ కి వచ్చేసింది. ఇప్పటికే సినిమా తీసి థియేటర్లలోకి వదిలిన వాళ్లు కలెక్షన్స్ పెంచుకోవడం కోసం తెగ తంటాలు పడుతుంటే.. ప్రస్తుతం సెట్స్ పై ఉన్న సినిమాలు కూడా క్రేజ్ పెంచుకునేందుకు రకరకాల ఐడియాలు వేస్తున్నారు. ఇక విజయదశమి దగ్గరపడ్డంతో ఫస్ట్ లుక్ లు.. టీజర్ ల హంగామా కూడా బిగిన్ అయిపోగా.. ఇప్పుడు దసరా రేసులో నేనూ ఉన్నానంటున్నాడు రాంగోపాల్ వర్మ. అది కూడా తన స్టైల్ లోనే చెప్పాడు.

"అక్టోబర్ 15న సాయంత్రం 5 గంటలకు వంగవీటి సినిమాకి సంబంధించిన కొన్ని 'ధృవ' తారల్లాంటి చాలా మామూలు షాట్లు రిలీజ్ చేయబోతున్నాను" అని చెప్పిన వర్మ.. అక్కడితో ఆగితే వర్మ కాడు కదా. అందుకే ఆ తర్వాతే అసలు రూట్ లోకి వచ్చేశాడు. "దుర్గమ్మ ఆశీస్సుల కోసం అక్టోబర్ 11 సాయంత్రం 5 గంటలకు కాపు కాచే కమ్మనైన వంగవీటికి సంబంధించిన కొన్ని ధృవతారల్లాంటి మామూలు షాట్లు" అంటూ ముక్తాయింపునిచ్చాడు.

ఇక్కడ ధృవను.. ఆ టైమ్ ను రెండు సార్లు ట్వీట్ చేయాల్సిన పనేంటంటే.. అదే రోజు అదే టైమ్ కి ధృవ టీజర్ రిలీజ్ కానుంది. అందుకే అదే టైమ్ ఫిక్స్ చేసుకుని వంగవీటిని వదులుతున్నాడు వర్మ. మెగా ట్యాగ్ ని అడ్డం పెట్టుకుని తన సినిమాను జనాల్లోకి తీసుకెళ్లే ట్రయల్స్ వర్మకి కామనే కదా.



Like Us on Facebook : https://www.facebook.com/Tupakidotcom/