టైగర్-విద్యుత్ లకు వర్మ ఫిటింగ్

రాంగోపాల్ వర్మ గురించి గతంలో అయితే సెన్సేషనల్ డైరెక్టర్ అని చెప్పుకునేవాళ్లం. ఆ తర్వాత మెల్లగా ట్రెండ్ మారి.. సినిమాల్లో కంటే ట్వీట్స్ తోనే ఎక్కువ సెన్సేషన్ సృష్టిస్తున్నాడు. ట్విట్టర్ లో తను చేసే కామెంట్స్ తో ఇన్నాళ్లు వివాదాలు మాత్రమే రగిలిస్తున్నాడని అనుకుంటే.. ఇప్పుడు ఫిటింగ్స్ కూడా పెట్టడం మొదలుపెట్టాడు వర్మ.

గతంలో టైగర్ ష్రాఫ్ ను వర్మ ఓ రేంజ్ లో విమర్శించిన సంగతి తెలిసిందే. ఇప్పుడు యాక్షన్ మూవీస్ చేసే మరో హీరో విద్యుత్ జమాల్ తో టైగర్ ష్రాఫ్ కు ఫిటింగ్ పెట్టాడు వర్మ. 'ఓ మార్షల్ ఆర్ట్స్ ఫ్యాన్ గా టైగర్ ష్రాఫ్.. విద్యుత్ జమాల్ లలో ఎవరు మంచి ఫైటర్ అనే విషయం తెలుసుకోవాలని అనుకుంటున్నా. వాళ్లిద్దరూ కొట్టుకుని నిరూపించాలి.'.. 'రియల్ ఫైట్ లోవిద్యుత్ జమాల్ కంటే టైగర్ ష్రాఫ్ బెటర్ ఫైటర్ అని వ్యక్తిగతంగా ఫీలవుతున్నా.'.. 'హ్యాండ్ టు హ్యాండ్.. కిక్ టు కిక్ ఫైట్ లో విద్యుత్ జమాల్ పారిపోతాడని అనుకుంటున్నా'.. 'బ్రూస్ లీకి బాబు అని టైగర్ ష్రాఫ్ నిరూపించుకోవడం ఖాయం'.. 'వాళ్లిద్దరి ఫైటింగ్ కోసం తెగ ఎదురుచూస్తున్నా'.. అంటూ రెచ్చగొట్టాడు వర్మ.

'రియల్ స్ట్రీట్ ఫైట్ లో టైగర్ ష్రాఫ్ పై నాకున్న వన్నీ పందెం కాసేస్తా. ఎందుకంటే టైగర్ ష్రాఫ్ ఇచ్చే ఒక్క పంచ్ కే విద్యుత్ జమాల్ పారిపోయి.. షావలిన్ టెంపుల్ లో దాక్కుంటాడు '.. 'టైగర్ ష్రాఫ్ ఛాలెంజ్ చేస్తే.. దాన్ని స్వీకరించే ధైర్యం విద్యుత్ జమాల్ చేయలేడని నేను ఖచ్చితంగా చెబుతా'.. అంటూ ఇద్దరినీ పోల్చుతూ.. బాగానే ఫిటింగ్ పెట్టాడు వర్మ.

Like Us on Facebook : https://www.facebook.com/Tupakidotcom/