స్టార్ డైరెక్టర్ శిష్యుడితో రామ్ నెక్స్ట్ సినిమా చేయనున్నాడా..?

ఇస్మార్ట్ శంకర్ తర్వాత హీరో రామ్ నుండి ఒక్క సినిమా కూడా రిలీజ్ అవ్వలేదు. రెడ్ సినిమా సిద్ధమైనా సంక్రాంతికి రాబోతున్నట్లు తెలుస్తుంది. ఇక ఇప్పటివరకు తన తదుపరి సినిమా ఏంటి.. ఎవరితో అనేది రామ్ బయట పెట్టలేదు. రెడ్ తర్వాత కొంచం మాస్ కమర్షియల్ స్క్రిప్ట్ కోసం వెతుకుతున్నాడట రామ్. ఈ మధ్య డైరెక్టర్ త్రివిక్రమ్ శ్రీనివాస్ దర్శకత్వంలో రామ్ సినిమా ఉండబోతుందని విపరీతంగా సోషల్ మీడియాలో ప్రచారం జరిగింది. కానీ వివిధ కారణాల వలన ఆ ప్రాజెక్ట్ కార్యరూపం దాల్చలేకపోయింది. ఇక ప్రస్తుతం బజ్ ప్రకారం.. త్రివిక్రమ్ కాదు గాని డైరెక్టరుగా టాలెంట్ ప్రూవ్ చేసుకున్న ఆయన శిష్యుడు వెంకీ కుడుముల పేరు బాగా వినిపిస్తుంది.

రామ్ తన తదుపరి సినిమా వెంకీతోనే చేయనున్నాడని, అంతేగాక ఆ సినిమాకి స్క్రిప్ట్ త్రివిక్రమ్ అందిస్తున్నాడని సినీ వర్గాలలో టాక్ హల్చల్ చేస్తోంది. మరి త్రివిక్రమ్ చేద్దామని అనుకున్న స్క్రిప్ట్ ఇదేనా..? అదే స్క్రిప్ట్ ఇప్పుడు వెంకీ చేతికి రాబోతుందా..? అనేది క్లారిటీ రావాల్సి ఉంది. ఇక వెంకీ దర్శకత్వంలో తెరకెక్కనున్న ఈ సినిమాను హారిక అండ్ హాసిని క్రియేషన్స్ గాని, సితార ఎంటర్టైన్మెంట్స్ గాని నిర్మించనున్నాయట. భీష్మ విజయం తర్వాత వెంకీ మరో సినిమా చేద్దామనే లోపు హీరోలంతా ఎవరి ప్రాజెక్ట్ లలో వారు బిజీగా ఉండటంతో స్క్రిప్ట్స్ రాసుకుంటూ ఉన్నాడట. ఓ వైపు రామ్ తన నివాసంలోనే కొంతమంది యువ దర్శకులతో చర్చలు జరుపుతున్నట్లు సమాచారం. చూడాలి మరి హీరో రామ్ నెక్స్ట్ డైరెక్టర్ ఎవరో..!