రామ్ భారీ మ‌ల్టీస్టార‌ర్‌?

యంగ్ హీరో రామ్ కెరీర్ గ‌త కొంత‌కాలంగా స్ట్ర‌గుల్‌ లో ఉన్న సంగ‌తి తెలిసిందే. వ‌రుస‌గా న‌టించిన సినిమాలన్నీ ఫ్లాపుల‌వుతున్నాయి. ఆ క్ర‌మంలోనే స‌క్సెస్‌ ల‌తో స్పీడుమీదున్న త్రినాథ‌రావు న‌క్కిన ద‌ర్శ‌క‌త్వంలో ఓ సినిమా చేస్తున్నాడు. `హ‌లో గురు ప్రేమ‌కోస‌మే` అనేది టైటిల్. అనుప‌మ ప‌ర‌మేశ్వ‌ర‌న్ క‌థానాయిక‌. దిల్‌ రాజు నిర్మిస్తున్నారు. బావ‌- మ‌ర‌ద‌ళ్ల ప్రేమ‌క‌థ‌తో - కాలేజ్ బ్యాక్‌ డ్రాప్‌ లో తెర‌కెక్కిస్తున్న చిత్ర‌మిది. ప్ర‌స్తుతం పోస్ట్ ప్రొడ‌క్ష‌న్ సాగుతోంది. అక్టోబ‌ర్ 18న ఈ చిత్రాన్ని రిలీజ్ చేస్తున్నామ‌ని నిర్మాత‌లు ప్ర‌క‌టించారు. ఇక ఈ సినిమా రిలీజైపోతోంది కాబ‌ట్టి రామ్ త‌దుప‌రి సినిమాపైనా శ్ర‌ద్ధ పెట్టార‌ని తెలుస్తోంది.

రామ్ నెక్ట్స్‌ ఓ భారీ మ‌ల్టీస్టార‌ర్‌ లో న‌టించ‌నున్నార‌ని తెలుస్తోంది. పెద‌నాన్న స్ర‌వంతి ర‌వికిషోర్ స్వ‌యంగా ఈ చిత్రాన్ని నిర్మిస్తున్నార‌ట‌. తెలుగు - త‌మిళ్ ద్విభాషా చిత్రంగా తెర‌కెక్క‌నున్న ఈ మూవీలో ఇరుప‌రిశ్ర‌మ‌ల‌కు సుప‌రిచితుడైన వేరొక హీరో న‌టిస్తార‌ని తెలుస్తోంది. అందుకు సంబంధించిన వివ‌రాలు పూర్తిగా తెలియాల్సి ఉంది. ఇప్ప‌టికి ప్రాజెక్టు ప్రీప్రొడ‌క్ష‌న్ ద‌శ‌లో ఉంది. `హ‌లో గురు ప్రేమ‌కోస‌మే` పోస్ట్ ప్రొడ‌క్ష‌న్ ప‌నులు సాగుతున్న క్ర‌మంలోనే ఈ మ‌ల్టీస్టార‌ర్ కోసం క‌స‌ర‌త్తులు చేస్తున్నారు. తెలుగు, త‌మిళ్ ద్విభాషా చిత్రం కాబ‌ట్టి అందుకు త‌గ్గ‌ట్టు స్ర‌వంతి.. భారీ బ‌డ్జెట్‌ నే ఖ‌ర్చు చేయ‌నున్నార‌ట‌.

వ‌రుస‌గా సినిమాల్లో న‌టిస్తున్నా.. ర‌వికిషోర్ లాంటి అనుభ‌వ‌జ్ఞుడైన నిర్మాత అండ ఉన్నా ఎందుక‌నో రామ్ కెరీర్ ప‌రంగా షేన్ కాలేక‌పోతున్నాడు. ఇదే స‌రైన స‌మ‌యం. కెరీర్ ప‌రంగా యూట‌ర్న్‌ తీసుకోవాల్సిన సంద‌ర్భ‌మిది. తోటి యువ‌హీరోలు హిట్టు మీద హిట్టు కొడుతూ దూసుకెళుతుంటే రామ్ మాత్రం కెరీర్ ప‌రంగా ఎందుక‌నో వెన‌క‌బ‌డిపోయాడు. రాంగ్ ఛూజింగ్ నుంచి త‌న‌ని తాను బ‌య‌ట‌ప‌డేసుకునే ప్లాన్ చేస్తున్నాడ‌నే భావిద్దాం. ప్ర‌స్తుతానికి హ‌లో గురు ప్రేమ‌కోస‌మే చిత్రంపైనే ఆశ‌ల‌న్నీ. ఇది విజ‌యం సాధిస్తే త‌దుప‌రి సినిమాల్లో హుషారుగా న‌టించేందుకు కావాల్సినంత బూస్ట్‌ దొరుకుతుంది. కాస్త ఓపిక ప‌ట్టాల్సిందే.