హరిహర వీరమల్లు' పై ఎనర్జిటిక్ స్టార్‌ కామెంట్‌

పవన్ కళ్యాణ్‌ హీరోగా క్రిష్‌ దర్శకత్వంలో రూపొందుతున్న సినిమా ఫస్ట్‌ లుక్ తో పాటు గ్లింప్స్‌ ను శివరాత్రి సందర్బంగా విడుదల చేశారు. పవన్ లుక్ తో పాటు టైటిల్‌ కు మంచి రెస్పాన్స్‌ వచ్చింది. ఖచ్చితంగా పవన్ హరిహర వీరమల్లుగా సూపర్‌ హిట్ అందుకోవడం ఖాయం అన్నట్లుగా అభిమానులు ఊహల్లో తేలిపోతున్నారు. కేవలం అభిమానులు మాత్రమే కాకుండా ఇతర హీరోల అభిమానులు కూడా పవన్ లుక్‌ మరియు టైటిల్‌ పై ప్రశంసలు కురిపిస్తున్నట్లుగా కామెంట్స్ చేస్తున్నారు. హరిహర వీరమల్లు పై ఎనర్జిటిక్ స్టార్‌ రామ్‌ కూడా స్పందించాడు.

ట్విట్టర్‌ లో రామ్‌.. పవన్‌ కళ్యాణ్‌ గారిని ఇలా చూడటం చాలా రిఫ్రెసింగ్ గా అనిపిస్తుంది. ఛారిత్రాత్మక పాత్రలో ఆయన పాత్ర ఆకట్టుకుంది. ఆల్‌ ది బెస్ట్‌ రత్నం గారు.. క్రిష్‌ గారు.. కీరవాణి గారు హీరోయిన్ నిధి అగర్వాల్‌ అండ్‌ టీమ్ కు కూడా ఆల్ ది బెస్ట్‌ అంటూ ట్వీట్ చేశాడు. ఎనర్జిటిక్ స్టార్ ఇతర హీరోల గురించి సినిమాల గురించి చాలా అరుదుగా మాత్రమే ట్వీట్‌ చేస్తూ ఉంటాడు. పవన్ హరిహర వీరమల్లు గురించి షేర్‌ చేయడం బట్టి చూస్తుంటే ఆయనకు ఎంతగా ఈ ఫస్ట్‌ లుక్ మరియు గ్లిమ్స్ నచ్చయో అర్థం చేసుకోవచ్చు. ఇంకా పలువురు స్టార్స్‌ కూడా హరిహర వీరమల్లు గురించి స్పందించారు.