కొత్త డైరక్టర్‌ పెద్ద స్టార్‌ అవుతాడట

ఓ హీరో త‌న డైరెక్ట‌ర్‌ ని పొగిడేయ‌డం స‌హ‌జ‌మే. ద‌ర్శ‌కుడిలో స‌త్తా ఉంది అంటే అది ముందే చెప్పేయొచ్చు. ఆన్‌ సెట్స్‌ లోనే అత‌డి ప‌నిత‌నం బైట‌ప‌డుతుంది. టేకింగ్ స్ట‌యిల్ లో క్లారిటీ ఉంటే అది అర్థ‌మైపోతుంది అంద‌రికీ. ఆ త‌ర్వాత ఓ నిర్ణ‌యానికి వ‌చ్చి అత‌డికి మంచి భ‌విష్య‌త్ ఉందంటూ పొగిడేయొచ్చు. హీరో రామ్ కాన్ఫిడెన్స్ చూస్తుంటే రామ్ న‌టిస్తున్న శివ‌మ్ బ్లాక్‌ బ‌స్ట‌ర్ హిట్ కొట్టేయ‌డం ఖాయం అన్న న‌మ్మ‌కం అత‌డి మాట‌ల్లో క‌నిపిస్తోంది.

లేటెస్టు వెంచ‌ర్ శివ‌మ్ హిట్ట‌వుతుంది. నా ద‌ర్శ‌కుడు పెద్ద ద‌ర్శ‌కుడైపోతాడు.. అంటూ రామ్ త‌న ద‌ర్శ‌కుడు శ్రీ‌నివాస్‌ రెడ్డిని ఆకాశానికెత్తేస్తున్నాడు. చూస్తుండ‌గానే శ్రీ‌నివాస్‌ రెడ్డి స్టార్ డైరెక్ట‌ర్ అయిపోవ‌డం ఖాయం అంటూ పొగిడేస్తున్నాడు. రామ్ ఇంత కాన్ఫిడెంటుగా చెబుతున్నాడు కాబ‌ట్టి .. అది నిజ‌మా? కాదా? తెలియాలంటే అక్టోబ‌ర్ 2 వ‌ర‌కూ వేచి చూడాల్సిందే.

రామ్ హీరోగా శ్రీ‌నివాస‌రెడ్డి ద‌ర్శ‌క‌త్వంలో తెర‌కెక్కుతున్న శివ‌మ్‌ లో అత‌డి స‌ర‌స‌న క‌థానాయిక‌గా రాశీ ఖ‌న్నా న‌టిస్తోంది. మొద‌టిసారి మెగా మ్యూజిక్ డైరెక్ట‌ర్ దేవీ శ్రీ ప్ర‌సాద్ రామ్ సినిమా కోసం ట్యూన్లు ఇచ్చాడు. శివ‌మ్ ఆడియో ఇటీవ‌లే రిలీజై హిట్ కొట్టిన సంగ‌తి తెలిసిందే. స్ర‌వంతి మూవీస్ 30 వ‌సంతాలు పూర్తి చేసుకున్న వేళ .. శివ‌మ్ తెర‌కెక్కిస్తోంది. సెంటిమెంటుగా అయినా ఈ సినిమా బ్లాక్‌ బ‌స్ట‌ర్ హిట్ కొట్టాలని కో్రుకుందాం. ఆల్ ది బెస్ట్ టు రామ్ అండ్ శ్రీ‌నివాస్‌ రెడ్డి టీమ్‌.