ఆ మ్యూజిక్ బిట్ ఎలా ఉందంటే..

హీరో రామ్ తన ''హైపర్'' సినిమా తాలూకు ప్రమోషన్లను ఇంకా మొదలెట్టలేదని ఆల్రెడీ చెప్పుకున్నానం. బహుశా ఆ న్యూస్ ఇంపాక్ట్ ఏమో కాని.. ఇప్పుడు మనోడు 'మ్యూజికల్ గ్లింప్స్' అంటూ ఒక టీజర్ ను వదిలడు. ఒక పాటలోని మ్యూజిక్ బిట్ కు డ్యాన్సు వేస్తున్న బిట్ ఒకటి రిలీజ్ చేశాడు రామ్. ఈ గురువారం నుండి మ్యూజిక్ మొత్తం ఫిలిం లవర్స్ ను భారీగా ఎక్సయిట్ చేసేస్తుంది అని చెప్పడానికి ఈ టీజర్ రిలీజ్ చేశారంటలే.

ఇకపోతే ఈ బిట్ సాంగ్ ఎలా ఉందంటే.. ప్రస్తుతానికి జిబ్రాన్ అందించిన ఈ బిట్ యావరేజ్ గానే ఉంది. ఈ స్టెప్పులు కూడా రామ్ చాలాసార్లు వేసి చూపించినవే. పైగా ఈ మధ్యన ఇలాంటి ఫ్లోర్ మూమెంట్ చాలామంది స్టార్ హీరోలు చేసేస్తున్నారు. ఇంతటి యావరేజ్ మ్యూజిక్ అండ్ డ్యాన్స్ బిట్ తో రామ్ ఎటువంటి ''హైపర్'' చూపించేద్దాం అనుకున్నాడో తెలియదు కాని.. ప్రస్తుతం ఈ బిట్ మాత్రం అంత కిక్ ఇవ్వలేదనే ఫిలిం నగర్ టాక్. అయితే జిబ్రాన్ ఎప్పుడూ కత్తిలాంటి పాటలే కొడుతున్నాడు కాబట్టి.. మున్ముందు రిలీజయ్యే పాటలన్నీ కేకలు పెట్టించే ఛాన్సుందిలే అంటున్నారు మ్యూజిక్ లవర్స్.

సంతోష్‌ శ్రీనివాస్ డైరక్షన్లో రూపొందిన హైపర్ సినిమా ఈ నెల 30న విడుదలవ్వనున్న సంగతి తెలిసిందే. రామ్ సరసన రాశి ఖన్నా రెండోసారి జతకట్టింది.