ఒక మనసు కోసం సమంతను సంప్రదించా !

ఒక మనసు సినిమా ఇప్పుడు టాలీవుడ్ లో మోస్ట్ అవైటెడ్ ఫిలిం. ఎందుకంటే.. మెగా డాటర్ నిహారిక ఇందులో హీరోయిన్ కావడమే. ఇప్పటి వరకు ఆ కుటుంబం నుంచి కేవలం హీరోలు మాత్రమే టాలీవుడ్లోకి వచ్చారు. తాజాగా నిహారిక కూడా తన అదృష్టాన్ని పరీక్షించుకోవడానికి రెడీ అయిపోయింది. దాంతో ఈ సినిమాకోసం మెగా అభిమానులతో పాటు.. ఇండస్ట్రీ వర్గాలు కూడా ఆసక్తిగా ఎదురుచూస్తున్నాయి. ఓ ప్రముఖ టీవీ ఛానెలతో కలిసి నిర్మాత మధుర శ్రీధర్ రెడ్డి ఈ చిత్రాన్ని నిర్మించాడు. సునీల్ కశ్యప్ సంగీతం అందించాడు. ఈ సినిమా గురించి దర్శకుడు రామరాజు ఓ ఇంట్రెస్టింగ్ విషయాన్ని వెల్లడించాడు.

ఈ సినిమాలో హీరోయిన్ గా నిహారికనే ఎందుకు ఎంచుకున్నారని ప్రశ్నిస్తే.. ‘ఇందులో నిహారికను ఎంచుకోవడానికి ప్రధాన కారణం ఇందులో సంధ్య అనే క్యారెక్టర్. మొదట ఈ ఈ పాత్రకోసం సమంతను అనుకున్నాం. అయితే ఆమె డేట్స్ అడ్జస్ట్ చేయలేకపోయింది. దాంతో రెజీనాను సంప్రదించాం. ఆమె కూడా నెలకు ఐదు రోజుల పాటు మాత్రమే కేటాయిస్తా అన్నారు. అయితే ఈ సినిమా ఇలా బిట్లు బిట్లు తీసేది కాదు అని.. స్టార్ట్ చేస్తే.. ఎండింగ్ తో నే ముగించాలని చెప్పా. దాంతో ఆమె కాల్షీట్లు కూడా సర్దుబాటు చేయలేకపోయింది. ఇక ఈ క్యారెక్టర్ కోసం ఎవరిని తీసుకుంటే బాగుంటుందని అనుకుంటున్న సమయంలో నిహారిక యాంకరింగ్ చూశా. ఆమె వీడియోస్ ని చూసి.. సంధ్య క్యారెక్టర్ కి నిహారిక అయితే బాగుంటుందని భావించి.. సంప్రదించాం. వెంటనే ఒప్పుకున్నారని’ తెలిపాడు.

ఇంకా ఆయన మాట్లాడుతూ ‘నాకు తెలిసి మరో చరిత్ర - శంకరాభరణం చిత్రాలన్నీ తెలుగులో మంచి హిట్ అయ్యాయి. ఈ సినిమా కూడా అలాంటి జానర్లో వుంటుంది కాబట్టి.. తప్పకుండా ఆదరిస్తారని అనుకుంటున్నా. ఇలాంటి జానర్ చిత్రాలు ఎప్పుడు వచ్చినా ఫ్రెష్ గానే వుంటాయి. నిహారిక.. నాగశౌర్య చాలా బాగా నటించారు. సంధ్య పాత్రలో నిహారికను తప్ప మరొకరిని ఊహించలేం’ అన్నారు.