మెగా ఘ‌ట్ట‌మ‌నేని అభిమానుల్ని మించేలా..!

స్టార్ హీరోల మ‌ధ్య ఊహించ‌ని పోటీత‌త్వం గురించి చెప్పాల్సిన ప‌నే లేదు. హీరోలంతా ఏక‌తాటిపై క‌లిసి క‌ట్టుగా ఉన్నా బాక్సాఫీస్ హోరా హోరీ విష‌యంలో అభిమానుల్లో డిబేట్లు త‌ప్ప‌నిస‌రి. బాక్సాఫీస్ క‌లెక్ష‌న్ల‌పైనా విప‌రీత‌మైన ర‌చ్చ సాగుతుంటుంది. ఇక సోష‌ల్ మీడియాల్లో ఈ ర‌చ్చ త‌క్కువేమీ కాదు. ఇక ఇటీవ‌లి కాలంలో సోష‌ల్ మీడియా డిజిట‌ల్లో త‌మ ఫేవ‌రెట్ స్టార్ల‌ను ప్ర‌మోట్ చేసేందుకు అభిమానులు పెద్ద ర‌చ్చ చేస్తూ వార్త‌ల్లో హైలైట్ గా నిలుస్తున్నారు.

టాలీవుడ్ లో అర‌డ‌జ‌ను యంగ్ డైన‌మిక్ టాప్ స్టార్లు ఉన్నారు. వీళ్ల ఫ్యాన్స్ చేసే ర‌చ్చ అంతా ఇంతా కాదు. ఇక ఇటీవ‌ల గూగుల్ ట్రెండింగులో టీజ‌ర్ లేదా ట్రైల‌ర్ లేదా ఏదైనా ప్ర‌చార సామాగ్రి ఉందంటే దానికి కార‌ణం అభిమానులే. వీళ్లు చేసే ర‌చ్చ‌తోనే ఇది సాధ్యం. మ‌హేష్ .. ప‌వ‌న్ .. ప్ర‌భాస్ అభిమానుల మ‌ధ్య ప్ర‌ధానంగా వార్ సాగుతూనే ఉంది. అలాగే చ‌ర‌ణ్‌.. తార‌క్ అభిమానులు ఇదే తీరుగా ర‌చ్చ చేస్తుంటారు.

ప్ర‌స్తుతం ఆర్.ఆర్.ఆర్ టీజ‌ర్ ర‌చ్చ ఓ రేంజులో ఉంది. గోండ్ బెబ్బులి నా త‌మ్ముడు అంటూ చ‌ర‌ణ్ స్వ‌యంగా వాయిస్ ఓవ‌ర్ ఇచ్చి మ‌రీ భీమ్ ని హైలైట్ చేశాడు. టీజ‌ర్ సోష‌ల్ మీడియాల్లో యూట్యూబ్ లో దుమారం రేపుతోంది. రాజ‌మౌళి టేకింగ్ మేకింగ్ మ‌రోసారి చ‌ర్చ‌కొచ్చాయి. యంగ్ టైగర్ ఎన్టీఆర్ కొమరం భీం లుక్ కోసం అభిమానులు ఎంతో కాలంగా వేచి చూడ‌డంతో ఆ క‌సి ఎలా ఉందో చూపించేస్తున్నారు. దర్శక ధీరుడు రాజమౌళి తెరకెక్కిస్తున్న ఈ భారీ పీరియాడిక్ వండర్ నుంచి భీం టీజర్ ఇంకొన్ని గంటల్లో రానుండగానే భీం రాకపై సోషల్ మీడియాలో ఫ్యాన్స్ ర‌చ్చ ర‌చ్చ చేశారు. ఆన్ లైన్ ఆఫ్ లైన్ అనే తేడా లేకుండా ఒక‌టే ర‌చ్చ‌కు తెర తీసారు.

ఇంత‌కుముందు అల్లూరి సీతారామ‌రాజుగా రామ్ చ‌ర‌ణ్ లుక్ బ‌ర్త్ డే ట్రీట్ గా వ‌చ్చినా తార‌క్ బ‌ర్త్ డేకి ఎలాంటి గిఫ్ట్ ఇవ్వ‌లేదు జ‌క్క‌న్న‌. అయితే ఇప్పుడు తారక్ అభిమానుల క‌సి తీర్చేలా రాజ‌మౌళి భీమ్ టీజ‌ర్ ని వ‌దల‌డంతో ఈ ర‌చ్చ పీక్స్ కి చేరింది. భీభ‌త్స‌మైన లైక్ లు క్లిక్ ల‌తో ల‌క్ష‌లాది వ్యూస్ తో దూసుకుపోతోంది.