RRR: భీమ్ బీభత్సం పై సినీ ప్రముఖుల స్పందన...!

దర్శకధీరుడు ఎస్.ఎస్ రాజ‌మౌళి ద‌ర్శ‌క‌త్వంలో యంగ్ టైగ‌ర్ ఎన్టీఆర్ - మెగా ప‌వ‌ర్ స్టార్ రామ్ చ‌రణ్‌ లు కలిసి నటిస్తున్న చిత్రం 'ఆర్.ఆర్.ఆర్'(రౌంద్రం రణం రుధిరం). ఈ చిత్రంలో చరణ్ 'మన్నెందొర అల్లూరి సీతారామ‌రాజు'గా నటిస్తుండగా.. తారక్ విప్లవవీరుడు 'కొమురం భీమ్' పాత్రలో నటిస్తున్నాడు. ఇప్పటికే రామ్‌ చ‌ర‌ణ్ పుట్టిన‌రోజు సందర్భంగా 'భీమ్ ఫర్ రామరాజు' విడుదలవ్వగా.. నేడు కొమురం భీమ్ 119వ జయంతి సందర్భంగా 'రామరాజు ఫర్ భీమ్' పేరుతో తారక్ ఇంట్రో వీడియో రిలీజ్ చేశారు. ఎన్టీఆర్ స్టన్నింగ్ విజువల్స్ కి చరణ్ వాయిస్ ఓవర్ తోడై ఈ టీజర్ అన్ని వర్గాల ప్రేక్షకులను విశేషంగా ఆకట్టుకుంటోంది. ఈ క్రమంలో యూట్యూబ్ లో 'రామరాజు ఫర్ భీమ్' రికార్డులు తిరగరాస్తోంది. విడుదలైన 7 నిమిషాల్లోనే 100K లైక్స్ సాధించిన టీజర్ గా రికార్డ్ స్థాయిలో వ్యూస్ సాధించింది. మోస్ట్ అవైటెడ్ అండ్ పవర్ ఫుల్ టీజర్ గురించి సెలబ్రిటీలు కూడా పెద్ద ఎత్తున పోస్టులు పెడుతున్నారు.

'ఆర్.ఆర్.ఆర్' లో కొమురం భీమ్ పాత్రలో ఎన్టీఆర్ అదరగొట్టేసాడని కామెంట్స్ పెడుతున్నారు. 'కొన్ని నెలలుగా అలుముకున్న నిరాశ నిస్పృహ దెబ్బకు పటాపంచలై.. అదే చోట ఆత్మస్థైర్యం.. ఆత్మ విశ్వాసం.. మీరు నిలబెట్టిన జెండాలా లేచి నిల్చున్నాయి'' అని హరీష్ శంకర్ ట్వీట్ చేశాడు. అలానే 'స్టన్నింగ్ విజువల్స్.. ఎక్సెలెంట్ వాయిస్ ఓవర్.. స్మాషింగ్ టీజర్' అని దర్శకుడు అనిల్ రావిపూడి ట్వీట్ చేసాడు. 'వావ్ వావ్ వావ్.. అమేజింగ్ బ్రదర్.. మైండ్ బ్లోయింగ్ ఇన్స్పైరింగ్ టీజర్' అని దేవిశ్రీ ప్రసాద్ చెప్పుకొచ్చాడు. 'వైల్డ్ గా ఉన్నావ్ గురూ' అని రానా దగ్గుబాటి.. 'ఫెంటాస్టిక్.. భీకరంగా ఉన్నావని' వరుణ్ తేజ్ పేర్కొన్నాడు. 'గూస్ బమ్స్ వచ్చాయని' డైరెక్టర్ సుధీర్ వర్మ.. 'టెర్రిఫిక్ టీజర్' అని గోపీచంద్ మలినేని.. 'మాటల్లేవ్' అని రాశీఖన్నా ట్వీట్ చేశారు. వీరితో పాటు డైరెక్టర్ బాబీ - మ్యూజిక్ డైరెక్టర్ థమన్ - రైటర్ వక్కంతం వంశీ - హీరోలు సుశాంత్ మరియు నారా రోహిత్ వంటి వారు 'రామరాజు ఫర్ భీమ్' టీజర్ పై స్పందించారు.