ఫొటోటాక్‌ : వావ్‌ రంభ మళ్లీ హీరోయిన్‌ గా చేస్తావా?

సౌత్‌ ఇండియన్‌ సినీ ప్రేక్షకులను 1990 మరియు 2000 లలో ఉర్రూతలూగించి ముద్దగుమ్మ రంభ. తెలుగులో దాదాపు స్టార్‌ హీరోలందరితో కూడా ఈమె నటించింది. బాలీవుడ్‌ లో కూడా దాదాపు 15 సినిమాలు చేసి సక్సెస్‌ లు దక్కించుకున్న రంభ ప్రస్తుతం సినిమాలకు దూరంగా ఉంటుంది. పెళ్లి తర్వాత ఈమె కనిపించలేదు. ఆమద్య మళ్లీ మెరిసినా కూడా ఒకటి రెండు సినిమాలకే పరిమితం అయ్యింది. పిల్లలు పెద్ద వారు అవ్వడంతో ఈమె మళ్లీ సినిమాలపై ఆసక్తిని చూపుతున్నట్లుగా తెలుస్తోంది.

ఫేస్‌ బుక్‌ లో రంభ రెగ్యులర్‌ గా పోస్ట్‌ చేస్తున్న ఫొటోలు చూస్తుంటే ఇంకా ఈమె హీరోలకు అమ్మగా కాకుండా హీరోయిన్‌ గానే చేసే అవకాశాలు దక్కించుకునే అవకాశం ఉందంటూ కామెంట్స్‌ చేస్తున్నారు. కొన్ని రోజుల క్రితం రంభ పోస్ట్‌ చేసిన ఈ ఫొటో పై చాలా మంది స్పందిస్తున్నారు.

ముఖ్యంగా ఈ ఫొటోకు మీరు మళ్లీ హీరోయిన్‌ గా నటిస్తారా మేడం అంటూ కామెంట్స్‌ చేస్తున్న వారు చాలా మంది ఉన్నారు. రంభను మళ్లీ హీరోయిన్‌ గా చూడాలనుకుంటున్నట్లుగా కొందరు అంటున్నారు. మొత్తానికి రంభ సెకండ్‌ ఇన్నింగ్స్‌ కోసం చాలా మంది చాలా రకాలుగా డిమాండ్స్‌ చేస్తున్నారు.