లేటెస్ట్ క్లిక్: చెల్లెళ్లు మేనకోడళ్ళతో ప్రైవేట్ జెట్ లో చెర్రీ..!

'ఆర్.ఆర్.ఆర్' సినిమాతో పాన్ ఇండియా స్టార్ ఇమేజ్ తెచ్చుకున్న మెగా పవర్ స్టార్ రామ్ చరణ్.. దాన్ని కాపాడుకునేలా ముందుకు వెళ్తున్నారు. ప్రస్తుతం RC15 అనే వర్కింగ్ టైటిల్ తో ఓ భారీ ప్రాజెక్ట్ లో నటిస్తున్న చెర్రీ.. తనకు దొరికిన విరామ సమయాన్ని ఫ్యామిలీ అండ్ ఫ్రెండ్స్ తో కలిసి ఎంజాయ్ చేయడానికి ఉపయోగించుకుంటున్నారు.

రామ్ చరణ్ తన ఇద్దరు చెల్లెల్లు - మేనకోడళ్ళు మరియు స్నేహితులతో కలిసి వీకెండ్ సెలవు కోసం తన ప్రైవేట్ జెట్‌ లో బయలుదేరారు. వీరంతా సరదాగా ప్రయాణం చేస్తున్న ఫోటోలు కొన్ని ఫోటోలు సోషల్ మీడియాలో చక్కర్లు కొడుతున్నాయి.

ఇందులో చెర్రీ క్లీన్ షేవ్ తో బ్లాక్ టీ షర్ట్ - కార్గో ప్యాంటు ధరించి ఉన్నాడు.. తన సోదరీమణులతో కలసి నవ్వుతూ కనిపిస్తున్నారు. ఇక్కడ రామ్ చరణ్ తో పాటుగా అతని పెట్ డాగ్ రైమ్ ని కూడా చూడొచ్చు. ఈ ఫోటోలు నెట్టింట వైరల్ అవుతున్నాయి.

రామ్ చరణ్ ప్రస్తుతం శంకర్ దర్శకత్వంలో తెరకెక్కుతున్న RC15 షూటింగ్‌ లో బిజీగా ఉన్నారు. ఇందులో కియారా అద్వానీ హీరోయిన్ గా నటిస్తోంది. శంకర్ ఇటీవల 'ఇండియన్ 2' మూవీని తిరిగి సెట్స్ మీదకు తీసుకురావడంతో.. చరణ్ కు బ్రేక్ దొరికింది. ఈ సమయాన్ని తన చెల్లెల్లు - మేనకోడళ్లతో గడపాలని నిర్ణయించుకున్నాడు.

పొలిటికల్ యాక్షన్ థ్రిల్లర్ గా తెరకెక్కుతున్న RC15 సినిమాలో రామ్ చరణ్ రెండు పాత్రల్లో కనిపించనున్నారు. అంజలి - సునీల్ - శ్రీకాంత్ - జయరామ్ - నవీన్ చంద్ర ఇతర ప్రధాన పాత్రలు పోషిస్తున్నారు. దర్శక నటుడు ఎస్ జె సూర్య ఈ క్రేజీ ప్రాజెక్ట్ లో భాగమైనట్లు మేకర్స్ ప్రకటించారు.

శ్రీ వెంకటేశ్వర క్రియేషన్స్ బ్యానర్‌ పై దిల్ రాజు ఈ చిత్రాన్ని నిర్మిస్తున్నారు. ఇది తమ సంస్థలో రూపొందే 50వ సినిమా కావడంతో బడ్జెట్ కు ఏమాత్రం వెనకడకుండా ప్రతిష్టాత్మకంగా నిర్మిస్తున్నారు. ఎస్ఎస్ థమన్ సంగీతం సమకూరుస్తుండగా.. తిరు సినిమాటోగ్రఫీ నిర్వహిస్తున్నారు.

అభిమానులు ఎప్పుడెప్పుడా అని ఎదురుచూస్తున్న ఈ చిత్రాన్ని తమిళం, తెలుగు, హిందీ భాషల్లో ఏకకాలంలో చిత్రీకరిస్తున్నారు. పాన్ ఇండియా స్థాయిలో వచ్చే ఏడాది సమ్మర్ కానుకగా విడుదల కాబోతోంది.

RC15 తర్వాత గౌతమ్ తిన్ననూరి దర్శకత్వంలో రామ్ చరణ్ ఓ సినిమా చేయనున్నారు. ప్రస్తుతం ప్రీ ప్రొడక్షన్ దశలో ఉన్న ఈ చిత్రాన్ని త్వరలోనే సెట్స్ మీదకు తీసుకెళ్లనున్నారు. ఇదే క్రమంలో లోకేష్ కనగరాజ్ తో ఓ మూవీ ఉంటుందని ఇప్పటికే క్లారిటీ వచ్చింది. ఇక వేణు శ్రీరామ్ తో చెర్రీ ఓ సినిమా చేస్తారని రూమర్స్ వినిపిస్తున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.