ఇన్ స్టాగ్రామ్ లో రికార్డు సృష్టించిన రాంచరణ్

మెగా పవర్ స్టార్ రాంచరణ్ ఇన్ స్టాగ్రామ్ లో రికార్డు సృష్టించాడు. అతి తక్కువ టైంలో అత్యధిక ఫాలోవర్లు కలిగిన స్టార్ గా ఎదిగాడు. దీనంతటికి కారణం 'ఆర్ఆర్ఆర్'. ఇన్నాళ్లు కేవలం తెలుగు మార్కెట్ కే పరిమితమైన రాంచరణ్.. జక్కన్న తీసిన 'ఆర్ఆర్ఆర్' సినిమా దెబ్బకు ఓవర్ నైట్ ప్యాన్ ఇండియా హీరో అయ్యాడు. ప్రపంచవ్యాప్తంగా క్రేజ్ సంపాదించాడు. దీంతో ఆయనకు అభిమానులు భారీగా పెరిగారు.

ప్రపంచ సోషల్ మీడియా దిగ్గజమైన ఇన్ స్టాగ్రామ్ లో రాంచరణ్ ను హిందీ ఇతర భాషల అభిమానులు.. ప్రపంచవ్యాప్తంగా ఉన్న అభిమానులు ఫాలో అవ్వడం మొదలుపెట్టారు. దీంతో అతితక్కువ టైంలోనే ఇన్ స్టాలో రికార్డును రాంచరణ్ సెట్ చేయగలిగారు.

ఆర్ఆర్ఆర్ లో నటనకు రాంచరణ్ కు మంచి మార్కులు పడ్డాయి. ఈ సినిమాతోనే చరణ్ స్థాయి విశ్వవ్యాప్తం అయ్యింది. హిందీ హీరోలకు దక్కినంత ఖ్యాతి దక్కింది. దీంతో ప్యాన్ ఇండియా లెవల్ లో సోషల్ మీడియాలో ఫాలోయింగ్ ను సొంతం చేసుకున్నాడు.

మరి ఇప్పుడు లేటెస్ట్ గా ఇన్ స్టాగ్రామ్ లో సాలిడ్ రికార్డును చరణ్ సెట్ చేశాడు. ఇన్ స్టాలోకి అడుగుపెట్టిన తర్వాత అతి తక్కువ సమయంలోనే 9 మిలియన్ ఫాలోవర్స్ ను అందుకున్న హీరోగా ఇప్పుడు రికార్డు నెలకొల్పాడు. దీంతో చరణ్ క్రేజ్ మరింతగా పెరిగిందనే చెప్పాలి.

ప్రస్తుతం దిగ్గజ దర్శకుడు శంకర్ మూవీలో రాంచరణ్ నటిస్తున్నాడు. రాజమౌళి కంటే శంకర్ సీనియర్. ఆయన సినిమా క్లిక్ అయితే రాంచరణ్ క్రేజ్ మరింతగా ఇనుమడిస్తుంది. శంకర్ సినిమా తర్వాత చరణ్ మరింత ఎత్తుకు ఎదుగుతాడనడంలో ఎలాంటి సందేహం లేదు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.