చిట్టిబాబు ఆశీస్సుల‌తో వైష్ణ‌వ్ తేజ్

మెగా మేన‌ల్లుడు సాయి ధ‌ర‌మ్ తేజ్ సోద‌రుడు వైష్ణ‌వ్ తేజ్ హీరోగా ప‌రిచ‌యం అవుతున్న సంగ‌తి తెలిసిందే. 'ఉప్పెన' అనేది టైటిల్. సుకుమార్ శిష్యుడు బుచ్చిబాబు ఈ చిత్రంతో ద‌ర్శ‌కుడిగా పరిచయమవుతున్నాడు. కథానాయిక కృతి శెట్టికి ఇదే తొలి ప‌రిచ‌య చిత్రం. ఈ చిత్రంలో జాలరి కుటుంబానికి చెందిన యువకుడిగా వైష్ణవ్ న‌టిస్తున్నాడు.

ఇంటర్వెల్ బ్యాంగ్ .. ప్రీ క్లైమాక్స్ సుక్కూ మార్క్ లో ర‌క్తి కట్టిస్తాయ‌ట‌. 'రాయనం' అనే పెద్ద‌మ‌నిషి పాత్రలో విజయ్ సేతుపతి నటన సినిమాకే హైలైట్ గా నిలుస్తుందట‌. ఏప్రిల్ 2న ఈ చిత్రం ప్రపంచవ్యాప్తంగా సినిమా విడుదల కానుంది.

తాజాగా మెగా మేన‌ల్లుడు వైష్ణ‌వ్ తేజ్ కి ఆశీస్సులు అందిస్తూ మేన బావ అయిన‌ చిట్టిబాబు అలియాస్ రామ్ చ‌ర‌ణ్ ఫ‌స్ట్ లుక్ పోస్ట‌ర్ ని రిలీజ్ చేశారు. ఈ పోస్ట‌ర్ లో వైష్ణ‌వ్ స్మైలీ ఫేస్ ఆక‌ట్టుకుంది. అన్న సాయి తేజ్ లానే ర‌ఫ్ అండ్ ఠ‌ఫ్ గా క‌నిపిస్తున్న ఈ బుల్లోడు అమాయ‌క కాలేజ్ అమ్మాయి వెంట ప‌డుతున్న‌ట్టే క‌నిపిస్తోంది. అనుప‌మ‌కు సిస్ట‌రా అన్నంత క్యూట్ గా కృతి క‌వ్వింత గిలిగింత యూత్ కి ప‌ట్టేయ‌డం ఖాయం. ఇంత‌కీ ఆ బ‌స్సు వెన‌క నుంచి లైనేస్తున్న మేన‌ల్లుడు న‌ట‌న.. డ్యాన్సుల‌ ప‌రంగానూ అన్న‌లానే త‌న‌దైన మార్క్ వేస్తాడేమో చూడాలి. ఈ జ‌ర్నీని ప్రేమించు.. ఫుల్ గా ఎంజాయ్ చెయ్ అంటూ వైష్ణ‌వ్ కి రామ్ చ‌ర‌ణ్ బ్లెస్సింగ్స్ అందించారు. ఇత‌ర చిత్ర‌బృందానికి విషెస్ తెలిపారు.