ఎలిమినేషన్ లేపేసిన శివగామి..అందరూ సేఫ్... !

బిగ్ బాస్ ప్రారంభం నుంచి ప్రతి వారం ఒకరు ఇంటి నుంచి బయటకెళ్లిన సంగతి తెలిసిందే. ఇప్పటివరకు హేమ, జాఫర్,తమన్నా, రోహిణి, ఆషు ఎలిమినేట్ అయ్యారు. ఈ నేపథ్యంలో ఆరోవారంలో కూడా ఎలిమినేషన్ ప్రక్రియ సాగింది. ఎలిమినేషన్ జోన్ లో మహేశ్, హిమజ, పునర్నవి ఉండగా వారిలో ఈ వారం ఎవరు బయటకు వెళతారని అంతా ఎదురుచూశారు. కానీ కింగ్ నాగార్జున ప్లేస్‌లో అతిథి హోస్ట్ గా వచ్చిన రమ్యకృష్ణ ఎలిమినేషన్‌నే లేపేసింది. ఈ వారం ఎవరు ఇంటి నుంచి బయటకు వెళ్లరని చెప్పారు.

ఆదివారం ఎపిసోడ్ లో మొదట ఇంటి సభ్యులతో సరదా టాస్క్ లు చేయించిన రమ్యకృష్ణ.. ఎలిమినేషన్ లో ఉన్న ముగ్గురు ఇంటి సభ్యులకు నల్ల గులాబీలు ఇవ్వాలని మిగతా ఇంటి సభ్యులకు సూచించారు. అది కూడా ఇంట్లో నుంచి ఎవరు బయటకెళ్లాలి అనుకుంటున్నారో వారికి ఇవ్వాలని చెప్పారు. దీంతో నలుగురు మహేశ్ కు గులాబీలు ఇవ్వగా - తలో ఇద్దరు హిమజ - పునర్నవిలకి ఇచ్చారు. అయితే ఎక్కువ సభ్యులు గులాబీ ఇచ్చిన మహేశ్ సేఫ్ అయినట్లు చెప్పారు.

ఆ తర్వాత ఎలిమినేషన్ లో ఉన్న ఇద్దరినీ టెన్షన్ పెట్టడానికి ఆమె నేరుగా ఇంటిలోకి వెళ్ళిపోయారు. హౌస్ అంతా కలియతిరుగుతూ మధ్య మధ్యలో పంచ్‌ లు పేలుస్తూ.. సరదాగా గడిపారు. ఈ క్రమంలో రమ్యకృష్ణ బంపర్ ఆఫర్ ఇచ్చారు. ఈవారం ఎలిమినేషన్ లేదంటూ అందరికి సర్ ప్రైజ్ ఇచ్చింది. మరోవైపు ‘వినాయక చవితి’ సందర్భంగా హౌస్ మేట్స్‌ తో కలిసి గణపతి బప్పా అంటూ అదిరిపోయే స్టెప్పులను వేశారు. బాబా భాస్క‌ర్ ర‌మ్య‌కోసం ఇచ్చిన టీ తాగుతూ ఆమె ఎంజాయ్ చేశారు. ఇక హౌస్‌లోకి వైల్డ్‌ కార్డ్ ఎంట్రీగా సీనియ‌ర్ యాంక‌ర్ శిల్పా చ‌క్ర‌వ‌ర్తి ఎంట్రీ ఇస్తార‌న్న వార్త‌లు వ‌స్తున్నాయి.