రజినీతో రమ్యకృష్ణ.. కన్ఫమ్

సూపర్ స్టార్ రజినీకాంత్ సినిమా అంటే తెర మొత్తం ఆయనే ఆక్రమించేస్తారు. ఆయన పాత్రలూ అలాగే ఉంటాయి. రజినీకాంత్ తనదైన స్క్రీన్ ప్రెజెన్స్ తో డామినేట్ చేస్తాడు. హీరోయిన్లకు ఆయన్ని డామినేట్ చేసే అవకాశం ఎంతమాత్రం ఉండదు. ఐతే ఒక్క నరసింహ సినిమాలో మాత్రం రజినీకాంత్ ను రమ్యకృష్ణ డామినేట్ చేసింది. నీలాంబరి పాత్రలో అద్భుతమైన అభినయంతో రజినీకి సవాలు విసిరింది రమ్య. సౌత్ ఇండియాలో వచ్చిన బెస్ట్ లేడీ క్యారెక్టర్లలో ఇది ఒకటిగా నిలిచిపోయింది. ఐతే ఆ సినిమాలో అద్భుతమైన కెమిస్ట్రీ పండించిన రజినీ-రమ్య మళ్లీ తెరను పంచుకోలేదు.

ఇన్నేళ్ల తర్వాత వీళ్లిద్దరూ ఓ ప్రెస్టీజియస్ ప్రాజెక్టులో కనిపించబోతున్నారు. ఆ సినిమా మరేదో కాదు.. 2.0. రోబో-2కు సీక్వెల్. కొన్ని రోజులుగా ప్రచారం జరుగుతున్నట్లే ఈ సినిమాలో రమ్య ఓ కీలక పాత్ర పోషించబోతోంది. ఇటీవలే రమ్యతో అగ్రిమెంట్ కూడా జరిగిందట. త్వరలోనే రమ్య షూటింగ్ లో పాల్గొంటుందట. ప్రస్తుతం ‘2.0’ షూటింగ్ తిరుపతి సమీపంలోని తలకోనలో జరుగుతుండటం విశేషం. ఈ షెడ్యూళ్లో రజినీకాంత్ లేడు. వేరే పాత్రలపై సన్నివేశాల చిత్రీకరణ సాగుతోంది. రజినీ ఆగస్టులో షూటింగుకి హాజరవుతాడు. ఆయన ప్రస్తుతం అమెరికాలో చికిత్స పొందుతున్నాడు.