రుద్రాక్షలోకి రమ్యకృష్ణ ఎంట్రీ

రమ్యకృష్ణ రేంజ్ ఇప్పుడు చాలా పెరిగిపోయింది. బాహుబలిలో శివగామి పాత్ర తర్వాత రమ్యకి వస్తున్న ఆఫర్స్, రోల్స్ కూడా ప్రతిష్టాత్మకంగానే ఉంటున్నాయి. రీసెంట్ గా సంక్రాంతికి వచ్చిన సోగ్గాడే చిన్ని నాయన చిత్రంలో కూడా తన అద్భుతమైన నటన ప్రదర్శించింది రమ్యకృష్ణ.

ఇప్పుడు రమ్యకృష్ణతో ఓ రోల్ చేయించడానికి డైరెక్టర్లు వెంటపడాల్సిన పరిస్థితి ఏర్పడింది. ఈ లిస్ట్ లోకి ఆమె భర్త కృష్ణవంశీ కూడా జాయిన్ అయ్యాడిపుడు. ఎలాగోలా తన సినిమాలో ప్రధానమైన పాత్ర, దాదాపు విలన్ రోల్ ను చేయాలని అడుగుతున్నాడట. సమంత ప్రధాన పాత్రలో రుద్రాక్ష అనే సినిమా చేస్తున్నాడు ఈ క్రియేటివ్ డైరెక్టర్. గ్రాఫిక్ ప్రధానంగా తెరకెక్కించనున్న ఈ సినిమా కోసం.. చాలా జాగ్రత్తగా ప్లాన్ చేస్తున్నాడు ఈ దర్శకుడు. దిల్ రాజు బ్యానర్ లో తెరకెక్కనున్న ఈ సినిమాలో స్పెషల్ ఎఫెక్ట్స్ కీలకమైన పాత్ర పోషించనున్నాయి.

రమ్యకృష్ణతో పెళ్లి కాక ముందు కృష్ణవంశీ చంద్రలేఖ సినిమా చేశాడు. నాగ్ హీరోగా వచ్చిన ఈ సినిమా అంతగా ఆకట్టుకోలేకపోయింది. కానీ.. పెళ్లైన తర్వాత రమ్యకృష్ణ, కృష్ణవంశీలు కలిసి పని చేయలేదు. మ్యారేజ్ తర్వాత తొలిసారిగా ఈ మూవీతోనే వీరి కాంబినేషన్ సెట్ కానుంది. మెయిన్ విలన్ రోల్ కావడంతో.. రుద్రాక్షలో పాత్రను రమ్యకృష్ణ అంగీకరించే అవకాశాలు ఎక్కువగానే ఉన్నాయని తెలుస్తోంది.