వీకెండ్ సెల్ఫీతో నెట్టింట వైరల్ అవుతున్న స్టార్ యాక్ట్రెస్!!

సౌత్ ఇండియన్ సీనియర్ యాక్ట్రెస్ రమ్యకృష్ణ. ఒకప్పుడు స్టార్ హీరోయినుగా తన అందాలతో సినిలోకాన్ని ఒక ఊపు ఊపేసింది. 1985లో విడుదలైన 'భలే మిత్రులు’ సినిమాతో హీరోయిన్‌గా తెలుగు ఇండస్ట్రీలో అడుగుపెట్టి 1989లో ‘సూత్రధారులు’ సినిమాతో నటిగా మంచి గుర్తింపు పొందింది. కానీ రమ్యకృష్ణకి సరైన అవకాశాలు రాలేదు. ఇక 1992లో అల్లుడుగారు సినిమా విడుదలై ఆమె కెరీర్ ని మలుపుతిప్పింది. ఆ తర్వాత వెనక్కి తిరిగి చూసుకునే అవసరం రమ్యకృష్ణకి రాలేదు. తెలుగుతో పాటు తమిళ, కన్నడ, మలయాళం ఇండస్ట్రీలలో కూడా సినిమాలు చేసింది. దాదాపుగా సౌత్ ఇండియన్ హీరోలు అందరితోనూ నటించిన ఘనత ఆమె సొంతం. హీరోయినుగా చేసినంత కాలం రమ్యకృష్ణ అభిమానులకు ఆరాధ్య దేవతే. అంతగా పాపులారిటీ తెచ్చుకుంది. ఇప్పటికి అందమైన హావభావాలతో, అద్భుతమైన నటనతో సినీ అభిమానులను అలరిస్తూనే ఉంది.

రమ్యకృష్ణ ప్రేక్షకులకు ఇంకా కళ్లముందు మెదులుతుందంటే.. ఆమె చేసిన పాత్రలు, ఆమె గ్లామర్ అటువంటి గుర్తింపును సంపాదించి పెట్టాయని చెప్పాలి. అయితే ఈ సీనియర్ హీరోయిన్.. ప్రస్తుతం పవర్ ఫుల్ క్యారెక్టర్ రోల్స్ చేస్తుంది. ఇండస్ట్రీలో రమ్యకృష్ణకు సెకండ్ లైఫ్ ఇచ్చింది మాత్రం బాహుబలి సినిమాలోని శివగామి పాత్రనే. ఒక విధంగా చెప్పాలంటే.. ఒకప్పుడు అల్లుడుగారు సినిమా ఎలాగో ఇప్పుడు బాహుబలి అలాగే. బాహుబలికి ముందు బాహుబలి తర్వాత అన్నంతగా ఆమె కెరీర్లో టర్నింగ్ పాయింట్ అయింది. ప్రస్తుతం చేతినిండా సినిమాలతో బిజీగా ఉన్న రమ్యకృష్ణ.. తాజాగా సోషల్ మీడియా తన సెల్ఫీ పిక్ షేర్ చేసింది. అంతేగాక నెట్ ఫ్లిక్స్ తో ఛిల్ల్ అవబోతున్నా త్వరలో.. ఇక ఇలా వీకెండ్ టైంలో అన్నట్లు కాప్షన్ పెట్టింది. ప్రస్తుతం రమ్యకృష్ణ పిక్ తెగ వైరల్ అవుతోంది. తన భర్త కృష్ణవంశీ డైరెక్ట్ చేస్తున్న రంగమార్తాండ సినిమాలో కీలక పాత్ర పోషిస్తుంది.